شبھمن گل نے تین میچوں میں بنائی دو سنچریاں، کوہلی اور سچن سے نکلے آگے، مگر بابر اعظم کے سامنے پھیکے!

شبھمن گل نے 23 سال کی عمر میں ایک بڑا کارنامہ انجام دے دیا ہے۔ انہوں نے نیوزی لینڈ کے خلاف تیسرے ون ڈے میں 112 رنز کی دھواں دار اننگز کھیلی۔ موجودہ سیریز میں یہ ان کی دوسری سنچری ہے۔ پہلے میچ میں انہوں نے 208 رنز بنا کر تاریخ رقم کردی تھی ۔ (AP)

شبھمن گل کی موجودہ سیریز کی کارکردگی کو دیکھا جائے تو انہوں نے 3 اننگز میں 180 کی اوسط سے 360 رنز بنائے۔ انہوں نے 2 سنچریاں بنائیں۔ اسٹرائیک ریٹ 129 تھا، جو ون ڈے کے لحاظ سے کافی اچھا ہے۔ اس دوران انہوں نے 38 چوکے اور 14 چھکے لگائے اور 280 گیندوں کا سامنا کیا۔ (AP)

شبھمن گل 3 یا اس سے کم میچوں کی دو طرفہ ون ڈے سیریز میں سب سے زیادہ رنز بنانے والے ہندوستانی بلے باز بن گئے ہیں۔ اس سے پہلے یہ ریکارڈ وراٹ کوہلی اور شیکھر دھون کے نام تھا۔ کوہلی نے پچھلے دنوں سری لنکا کے خلاف 3 میچوں میں 283 رنز بنائے تھے۔ جبکہ دھون نے 2014-15 میں سری لنکا کے خلاف 3 میچوں میں 283 رنز بنائے تھے۔ (AP)

سابق ہندوستانی لیجنڈ سچن تیندولکر ون ڈے میں سب سے زیادہ 49 سنچریاں بنانے والے بلے باز ہیں۔ انہوں نے 2008-09 میں نیوزی لینڈ کے خلاف 3 میچوں میں 244 رنز بنائے تھے۔ سنچری اور نصف سنچری بنائی تھی۔ اس طرح گل نے تینوں سچن، کوہلی اور دھون کو پیچھے چھوڑ دیا ہے۔ (Indiancricketteam instagram)

تاہم شبھمن گل پاکستانی کپتان بابر اعظم سے آگے نہیں نکل سکے۔ دونوں بلے باز 3 میچوں کی سیریز میں سب سے زیادہ رنز بنانے کے معاملہ میں مشترکہ طور پر ٹاپ پر ہیں۔ بابر نے 2016-17 میں ویسٹ انڈیز کے خلاف 3 میچوں میں 360 رنز بنائے تھے۔ انہوں نے تینوں میچوں میں سنچری بنائی تھی۔ (AP)

شبھمن گل اپنا 21 واں ون ڈے میچ کھیل رہے ہیں۔ وہ اب تک 74 کی اوسط سے 1254 رنز بنا چکے ہیں۔ وہ 4 سنچریاں اور 5 نصف سنچریاں بنا چکے ہیں۔ یعنی وہ 9 مرتبہ 50 سے زیادہ رنز کی اننگز کھیل چکے ہیں۔ اسٹرائیک ریٹ 110 ہے۔ وہ 200 کے قریب چوکے بھی لگاچکے ہیں۔ (AP)