IPL 2021: کے کے آر نے دہلی کو ہرا کر پلے آف کی امید کو برقرار رکھا ، پنت کا بڑھا انتظار

شارجہ : آئی پی ایل 2021 میں کولکاتہ نائٹ رائیڈرس نے پلے آف میں پہنچنے کی اپنی امید کو زندہ رکھا ہے ۔ ٹیم نے ایک میچ میں دہلی کیپیٹلز کو 3 وکٹوں سے شکست دی ۔ یہ کے کے آر کی 11 میچوں میں پانچویں جیت ہے۔ ٹیم 10 پوائنٹس کے ساتھ پوائنٹس ٹیبل میں چوتھے نمبر پر ہے۔ (BCCI Photo)

میچ میں پہلے کھیلتے ہوئے دہلی نے 9 وکٹوں پر 127 رنز بنائے ۔ جواب میں کے کے آر نے مطلوبہ ہدف 18.2 اوورز میں 7 وکٹوں پر حاصل کرلیا ۔ دہلی 16 پوائنٹس کے ساتھ ٹیبل میں دوسرے نمبر پر ہے ۔ (BCCI Photo)

ہدف کے تعاقب میں کے کے آر کی جانب سے شبھمن گل (30) اور وینکٹیش (14) نے 28 رنز کا اضافہ کیا۔ راہل ترپاٹھی 9 ، ایون مورگن صفر اور دنیش کارتک صرف 12 رن ہی بنا سکے۔ (BCCI Photo)

ٹیم نے 15 اوورز میں 96 رنوں کے مجموعی اسکور پر 5 وکٹیں گنوا دی تھیں اور ایسا لگ رہا تھا میچ دلچسپ ہوگا ، لیکن نتیش رانا نے ناٹ آوٹ 36 اور سنیل نارائن (21) نے 26 رنز جوڑ کر ٹیم کی فتح کو یقینی بنادیا۔ (BCCI Photo)

نارائن نے 10 گیندوں میں 21 رنز بنائے۔ ایک چوکا اور دو چھکے مارے۔ فاسٹ بولر کاگیسو ربادا نے 16 ویں اوور میں 21 رنز دیے اور یہاں سے میچ مکمل طور پر کے کے آر کے حق میں چلا گیا۔ (BCCI Photo)

ٹم ساوتھی 3 رنز بنانے کے بعد آؤٹ ہوئے۔ لوکی فرگوسن صفر پر ناٹ آوٹ رہے۔ دہلی کی جانب سے آویش خان نے سب سے زیادہ 3 وکٹیں حاصل کیں ۔ (BCCI Photo)

اس سے پہلے کولکاتہ نے ٹاس جیت کر گیندبازی کرنے کے فیصلے کے بعد منصوبوں پر عمل کیا اورکفایتی گیندبازی کی بدولت دہلی کو مقررہ 20 اوورمیں نووکٹ پر 127 رن ہی بنانے دئے۔ (BCCI Photo)

مسٹری اسپنر سنیل نارائن، فاسٹ باؤلر لوکی فرگوسن اور وینکٹیش ایئر نے دو -دو، جبکہ ٹم ساؤتھی نے ایک وکٹ حاصل کیا۔ تمام گیند بازوں نے کفایتی گیندبازی کی۔ (BCCI Photo)

سست پچ کی وجہ سے دہلی نے دھیما آغاز کیا۔ پرتھوی شا کی غیر موجودگی میں اسٹیون اسمتھ ، شیکھر دھون کے ساتھ اننگز کا آغاز کرنے آئے۔ دہلی کا پہلا وکٹ شیکھر دھون کی شکل میں 35 رنز پر گرا۔ (BCCI Photo)

شریئس ایئر پھر نارائن کی مسٹری گیند میں پھنس گئے۔ انہیں ایک پرپویلین لوٹنا پڑا۔ اس کے بعد کپتان ریشبھ پنت نے اسمتھ کے ساتھ اننگز کو سنبھالا۔ دونوں نے تیسرے وکٹ کے لیے 37 رنز کی شراکت کی، لیکن اسمتھ بھی آؤٹ ہونے کے بعد واپس چلے گئے۔ (BCCI Photo)

اس کے بعد مسلسل وکٹ گرتے رہے۔ اس کے نتیجہ میں دہلی کی ٹیم 127 رنزکا کم اسکور ہی بناسکی ۔ پنت نے 36 گیندوں پر تین چوکوں کی مدد سے 39 اور اسمتھ نے 34 گیندوں پر چار چوکوں کی مدد سے 39 رنز بنائے۔ (BCCI Photo)