IPL 2022: آر سی بی کا 15 سال کا انتظار جاری، ٹیم کے 900 کروڑ اور کوہلی کے 150 کروڑ روپے رائیگاں!

رائل چیلنجرس بنگلورو کا آئی پی ایل جیتنے کا خواب ایک مرتبہ پھر ٹوٹ گیا ہے ۔ آئی پی ایل 2022 کے کوالیفائر ٹو میں اس کو راجستھان رائلس نے سات وکٹوں سے ہرایا ۔ جوس بٹلر نے سیزن کی چوتھی سنچری بناکر وراٹ کوہلی کا خطاب جیتنے کا خواب ایک مرتبہ پھر پورا نہی ہونے دیا ۔(RCB Instagram)

وراٹ کوہلی بھی بطور کھلاڑی اب تک آئی پی ایل کا خطاب نہیں جیت سکے ہیں ۔ وہ شروعات سے ہی آر سی بی کا حصہ رہے ہیں اور ٹیم بھی اب تک خطاب جیتنے میں کامیاب نہیں ہوئی ہے ۔(IPL Instagram)

آر سی بی کی ٹیم ٹی 20 لیگ کی تاریخ میں کھلاڑیوں کو خریدنے میں سب سے زیادہ پیسے خرچ کرچکی ہے ۔ اس نے اب تک تقریبا 910 کروڑ روپے خرچ کئے ہیں ۔ وہیں کوہلی کو سیلری کے طور پر تقریبا 158 کروڑ روپے ملے ہیں، مگر دونوں کے آئی پی ایل جیتنے کا خواب ابھی بھی ادھورا ہے ۔(Dinesh Karthik Twitter)

وراٹ کوہلی نے ٹی ٹوینٹی لیگ کے موجود سیزن سے پہلے ٹیم کی کپتانی چھوڑ دی تھی ، اس کے بعد ٹیم نے انہیں 15 کروڑ روپے میں ریٹین کیا تھا ۔ فاف ڈوپلیسس کو ٹیم کی کمان دی گئی تھی ۔ (Dinesh Karthik Twitter)

آر سی بی کی تاریخ کی بات کریں تو اس نے اب تک سات کپتانوں کو آزمایا ہے ، لیکن کوئی بھی جیت نہیں دلا سکا ہے ۔ (PTI)

آئی پی ایل 2022 کے فائنل میں اب 29 مئی کو یعنی کل راجستھان رائلس کا مقابلہ گجرات ٹائنٹنز سے ہوگا ۔ (PTI)