10 سال پہلے لیجنڈ کھلاڑی نے آئی پی ایل خطاب جیت کر لیا تھا ریٹائرمنٹ، دھونی بھی چلے اسی راہ پر، فائنل جیت کر ہوں گے ریٹائر!
IPL 2023: مہندر سنگھ دھونی کی کپتانی والی چنئی سپرکنگز نے شاندار کھیل کا مظاہرہ کرتے ہوئے آئی پی ایل کے 16 ویں سیزن کے فائنل میں جگہ بنالی ہے ۔ پچھلے سیزن میں یہ ٹیم پہلے دور سے ہی باہر ہوگئی تھی ۔ صرف چار جیت حاصل کرنے والی سی ایس کے کی ٹیم پوائنٹس ٹیبل میں نویں نمبر پر رہی تھی۔ کپتان دھونی کا یہ آخری آئی پی ایل سیزن ہوگا یا آگے بھی کھیلیں گے، اس کو لے کر قیاس آرائی کا دور جاری ہے۔ تاہم اس سوال کا جواب فائنل میچ کے بعد مل سکتا ہے !
5/ 2
16 سال تک چنئی سپر کنگز کو سنبھالنے والے کپتان مہندر سنگھ دھونی نے ابھی تک یہ نہیں بتایا ہے کہ وہ اگلے سیزن میں کھیلیں گے یا نہیں۔ ایسا ہی کچھ سال 2013 میں ہوا تھا جب لیجنڈ بلے باز سچن تیندولکر کے بارے میں دھونی کی طرح قیاس آرائیاں کی جا رہی تھیں اور ممبئی انڈینز کے آئی پی ایل فاتح بننے کے بعد انہوں نے ریٹائرمنٹ کا اعلان کر دیا تھا۔ AP
5/ 3
مہندر سنگھ دھونی کی کپتانی میں چنئی سپر کنگز نے 4 مرتبہ انڈین پریمیئر لیگ کا خطاب جیتا ہے۔ اس مرتبہ اگر ان کی ٹیم چیمپئن بنتی ہے تو ممبئی انڈینز کے سب سے زیادہ 5 مرتبہ ٹرافی جیتنے کی برابری کر لے گی۔ ایسے میں خبریں یہ بھی ہیں کہ جیسے سچن نے آئی پی ایل جیتنے کے بعد ریٹائرمنٹ کا اعلان کیا، دھونی بھی کچھ ایسا ہی کر سکتے ہیں۔ AP
