ریشبھ پنت بستر پر، سابق کپتان نے اہم کھلاڑی بتایا اور پھر کہا : میں انہیں تھپڑ ماروں گا، جانئے کیوں

ہندوستانی ٹیم کے وکٹ کیپر بلے باز ریشبھ پنت سال 2022 کے آخر میں ایک کار حادثہ کا شکار ہوگئے تھے ۔ حادثے میں وہ زخمی ہو گئے تھے، جس کے بعد ممبئی میں ان کے گھٹنے کا آپریشن ہوا۔ ان کی واپسی میں 6 ماہ سے زیادہ کا وقت لگ سکتا ہے۔ اس وجہ سے وہ آسٹریلیا کے خلاف 4 میچوں کی ٹیسٹ سیریز سے باہر ہیں۔ (AFP)

ہندوستان اور آسٹریلیا کے درمیان 4 ٹیسٹ میچوں کی سیریز 9 فروری سے شروع ہو رہی ہے۔ ورلڈ ٹیسٹ چیمپئن شپ کے فائنل کے لحاظ سے یہ ٹیم انڈیا کے لیے ایک اہم سیریز ہے۔ ہندوستان کو فائنل میں براہ راست کوالیفائی کرنے کے لئے کسی بھی قیمت پر کنگارو ٹیم کو شکست دینی ہوگی۔ (AP)

ادھر سابق ہندوستانی کپتان کپل دیو نے ریشبھ پنت پر غصہ ظاہر کرتے ہوئے کہا کہ میں انہیں تھپڑ ماروں گا۔ انہوں نے اے بی پی انکٹ میں کہا کہ میں ان سے بہت پیار کرتا ہوں۔ میں چاہتا ہوں کہ وہ جلد ٹھیک ہو جائے اور جب وہ ٹھیک ہو جائے گا تو میں جا کر اسے زور سے تھپڑ ماروں گا۔ (Twitter @therealkapildev)

کپل دیو نے کہا کہ ریشبھ پنت کی چوٹ نے پوری ٹیم کمبنیش کو بگاڑ دیا ہے۔ وہ ٹیم کے اہم کھلاڑیوں میں سے ایک ہیں۔ لیکن ابھی ان کا ٹھیک ہونا ضروری ہے اور میں دعا کرتا ہوں کہ وہ جلد صحت یاب ہو جائیں۔ اس سے پہلے کپل نے کہا تھا کہ پنت کو خود کار نہیں چلانی چاہئے تھی۔ (AFP)

خیال رہے کہ جب ریشبھ پنت حادثہ کا شکار ہوئے تھے، تو وہ خود کار چلا رہے تھے اور اکیلے تھے۔ حادثے کے بعد ان کی گاڑی میں بھی آگ لگ گئی تھی۔ ان کا ابتدائی علاج دہرادون میں ہوا تھا۔ اس کے بعد بی سی سی آئی نے بھی ان کا بھرپور ساتھ دیا۔ (AFP)

ریشبھ پنت نے بنگلہ دیش کے خلاف آخری ٹیسٹ سیریز میں بھی اہم اننگز کھیلی تھی۔ وہ سال 2022 میں ٹیم انڈیا کے لئے ٹیسٹ میں سب سے زیادہ رنز بنانے والے کھلاڑی تھے۔ ان کی جگہ کے ایس بھرت کو پہلے ٹیسٹ میں موقع مل سکتا ہے۔ بھرت کا انٹرنیشنل ڈیبیو ابھی باقی ہے۔ (AFP)

ہندوستان اور آسٹریلیا کے درمیان سیریز کا پہلا میچ ناگپور میں کھیلا جائے گا۔ شریس ائیر بھی چوٹ کی وجہ سے پہلے ٹیسٹ سے باہر ہو گئے ہیں۔ ان کی جگہ شبھمن گل یا سوریہ کمار یادو میں سے کسی کو موقع مل سکتا ہے۔ دوسری جانب رویندر جڈیجہ انجری کے بعد واپسی کے لئے تیار ہیں۔ (AFP)