مشہور کرکٹر ہربھجن سنگھ دوسری مرتبہ بنے والد ، گیتا بسرا نے دیا بیٹے کو جنم

ہندوستانی کرکٹر ہربھجن سنگھ دوسری مرتبہ والد بن گئے ہیں ۔ ان کی اہلیہ گیتا بسرا نے بیٹے کو جنم دیا ہے ۔ ہربھجن سنگھ نے انسٹاگرام کے ذریعہ ہفتہ کو فینس کو یہ خوشخبری دی ۔ بھجی نے بتایا کہ ان کی اہلیہ اور بیٹا دونوں صحت مند ہیں ۔ مارچ میں اس جوڑے نے بتایا تھا کہ جولائی میں ان کے گھر ننہا مہمان آنے والا ہے ۔ تصویر : @GeetaBasraInstagram

ٹیم انڈیا کے سلامی بلے باز شیکھر دھون سمیت کئی کرکٹرس نے ہربھجن سنگھ کو دوسری مرتبہ باپ بننے پر مبارکباد دی ہے ۔ ہربھجن اور گیتا کے رشتے کی بات کریں تو دونوں نے طویل عرصہ تک ایک دوسرے کو ڈیٹ کرنے کے بعد 29 اکتوبر 2015 میں شادی کی تھی ۔ اس جوڑے کی ایک پانچ سال کی بیٹی ہنایا بھی ہے ۔

ہربھجن سنگھ اور گیتا کی لو اسٹوری کی بات کریں تو دونوں کو رشتے میں آنے میں ایک سال کا وقت لگ گیا تھا ۔ سابق ہندوستانی آل راونڈر یوراج سنگھ نے ہربھجن کی اس میں کافی مدد کی تھی ۔ تصویر : @GeetaBasraInstagram

خود ہربھجن سنگھ نے ایک شو میں اس کا انکشاف کرتے ہوئے کہا تھا کہ ان کی لو اسٹوری کسی کرکٹ میچ کی طرح ہی کافی مشکل تھی ۔ (Instagram/Harbhajan)

ہربھجن نے بتایا تھا کہ وہ اور یوراج انگلینڈ میں تھے ۔ وہ خود کاونٹی کھیل رہے تھے جبکہ یوراج چھٹی منانے کیلئے ان کے فلیٹ پر آتے تھے ۔ اسی دوران انہوں نے گیتا بسرا کو ٹی وی پر دیکھا تھا اور انہوں نے یوراج سے ان کے بارے میں پوچھا تھا ۔ تصویر : @GeetaBasraInstagram

بالی ووڈ میں اچھے تعلقات ہونے کی وجہ سے یوراج نے ہربھجن کو کہا تھا کہ وہ پتہ لگا سکتے ہیں ۔ اس کے بعد جنوبی افریقہ میں ٹی ٹوینٹی میچ جیتنے کے بعد ہربھجن نے ایک دوست سے گیتا کا فون نمبر لیا ۔ انہوں نے اس کے بعد انہیں کافی ڈیٹ پر بلایا تھا ۔ (Yuvraj singh Instagram)

گیتا نے چار دنوں تک اس میسیج کا کوئی جواب نہیں دیا ۔ اس کے بعد جب ہندوستان نے ٹی ٹوینٹی ورلڈ کپ جیتا تو گیتا نے ہربھجن کو مبارکباد دی اور یہیں سے ان کی لو اسٹوری شروع ہوگئی ۔ تصویر : @GeetaBasraInstagram