پاکستانی اسپنر نے ڈیبیو ٹیسٹ میں انگریزوں پر برپا کیا قہر، سات وکٹ لے کر بنایا خاص ریکارڈ

انگلینڈ کے خلاف ٹیسٹ سیریز کے دوسرے میچ کے دوران پاکستان کے نوجوان اسپنر گیند باز ابرار احمد نے ریکارڈ بک میں اپنا نام درج کرایا ۔ 24 سال کے اس نوجوان گیند باز نے اپنے ڈیبیو میچ میں ہی سات وکٹ ہال لینے کا خاص ریکارڈ اپنے نام کیا ۔ (AP)

ملتان کے میدان پر تین میچوں کی تازہ سیریز کا دوسرا مقابلہ آج جب شروع ہوا تو مہمان ٹیم کے حوصلے بلند تھے ۔ ایسا ہونا لازمی بھی تھا، کیونکہ گزشتہ میچ میں بین اسٹوکس کی ٹیم نے پاکستان کو دھول چٹائی تھی ۔ (AP)

یہ کوئی ایسی ویسی جیت نہیں تھی ۔ کراچی کے میدان میں انگریزوں نے پاکستانی ٹیم کو چاروں خانے کردیا تھا ۔ میچ کے پہلے ہی دن انگلینڈ کے چار بلے بازوں نے سنچری بنائی ۔ ٹیسٹ کرکٹ کی تاریخ میں یہ پہلا موقع تھا جب میچ کے پہلے ہی دن کوئی ٹیم 500 سے زیادہ رنز بنا پانے میں کامیاب رہی ہوگی ۔ (AP)

انگلینڈ کے زبردست اٹیک کے سامنے بابر اعظم اینڈ کمپنی نے واپسی کی کوشش ضرور کی تھی، لیکن انہیں آخری دن شکست جھیلنی پڑی ۔ صفر ایک سے سیریز میں پچھڑ چکی پاکستان کی ٹیم پر ایسے میں ملتان میں واپسی کا زبردست دباو تھا ۔ اس ٹرننگ ٹریک پر نوجوان ابرار احمد کو ڈیبیو کا موقع دیا گیا ۔

انگلش ٹیم کی شروعات پچھلے میچ کی طرح ہی شاندار رہی ۔ پہلی وکٹ کیلئے 117 رنز کی شراکت داری ہوئی، جس کے بعد ابرار نے جیک کرالی کو بولڈ کردیا ۔ یہاں سے ابرار نہیں رکے اور بیک ٹو بیک سات وکٹ نکالنے میں کامیاب رہے ۔ (AP)

33 اوورز کے بعد انگلینڈ کا اسکور پانچ وکٹ کے نقصان پر 180 رنز تھا ۔ ابرار احمد ڈیبیو ٹیسٹ کے پہلے سیشن میں پانچ وکٹ لینے والے پاکستان کے پہلے گیند باز بنے ۔ اتنا ہی نہیں وہ ڈیبیو میچ میں سات وکٹ لینے والے پاکستان کے تیسرے گیند باز بھی بن گئے، اس سے پہلے سال 1996 میں محمد زاہد اور 1969 میں محمد نذیر بھی پاکستان کیلئے یہ کارنامہ انجام دے چکے ہیں ۔ (AP)

ٹیسٹ ڈیبیو میں سب بہترین کارکردگی کی بات کی جائے تو اس معاملہ میں وہ ابھی بھی ہندوستان کے نریندر دیپ چند ہروانی سے کافی پیچھے ہیں ۔ ہروانی نے سال 1988 میں ویسٹ انڈیز کے خلاف اپنے ڈیبیو ٹیسٹ میچ کی دونوں اننگز میں آٹھ آٹھ وکٹ نکالے تھے ۔ اپنے ڈیبیو ٹیسٹ میں ہی انہوں نے 16 وکٹ نام کئے تھے ۔ (News18)

آسٹریلیا کے تین ، ونڈیز اور ساوتھ افریقہ کے ایک ایک گیند باز بھی ڈیبیو ٹیسٹ میں آٹھ وکٹ لینے کا کارنامہ انجام دے چکے ہیں ۔ ابرار احمد کے علاوہ 13 دیگر کھلاڑی ڈیبیو ٹیسٹ کی پہلی اننگز میں سات وکٹ لے چکے ہیں ۔ (Twitter/ICC)