بابر اعظم نے پونٹنگ کے تاریخی ریکارڈ کی برابری کی، محض اتنے رنز سے چوک گئے تھے کوہلی اور مصباح

پاکستانی کپتان بابر اعظم نے ایک مرتبہ پھر سے فارم حاصل کرلی ہے ۔ گرین ٹیم کو ضرور انگلینڈ کے خلاف ٹیسٹ سیریز میں بار بار مایوسی ہاتھ لگ رہی ہے، لیکن بابر کے بلے سے لگاتار رنز نکل رہے ہیں اور وہ ٹیم کیلئے رنز کا انبار لگا رہے ہیں ۔ (AP)

کراچی ٹیسٹ کی پہلی اننگز میں پاکستان کرکٹ ٹیم کے کپتان بابر اعظم کے بلے سے 123 گیندوں پر 78 رنز نکلے تھے ۔ وہیں دوسری اننگز میں بھی انہوں نے شاندار بلے بازی کرتے ہوئے 104 گیندوں پر 54 رنز بنائے ۔ اس کے ساتھ ہی انہوں نے رکی پوٹنگ کے ایک خاص ریکارڈ کی بھی برابری کرلی ہے ۔ (AP)

دراصل بابر اعظم سے پہلے ایک کیلینڈر سال میں بطور کپتان سب سے زیادہ مرتبہ 50 یا 50 سے زیادہ رنز بنانے کا خاص ریکارڈ پوٹنگ کے نام درج تھا ۔ انہوں نے سال 2005 میں 24 مرتبہ 50 یا 50 سے زیادہ رنز کی اننگز کھیلی تھی ۔ (AFP)

وہیں رواں سال بابر کے بلے سے بھی بطور کپتان 24 مرتبہ 50 یا 50 سے زیادہ رنز کی اننگز نکل چکی ہے ۔ انگلینڈ کے بعد پاکستان کو نیوزی لینڈ کے خلاف دو میچوں کی ٹیسٹ سیریز کھیلنی ہے ۔ سیریز کا آغاز 26 دسمبر سے ہورہا ہے ۔ پہلے میچ میں اگر وہ ایک اور 50 یا اس سے زیادہ رنز کی اننگز کھیلنے میں کامیاب ہوجاتے ہیں تو وہ پوٹنگ کو پیچھے چھوڑ دیں گے ۔ (AP)

ان دونوں بلے بازوں کے علاوہ ایک کیلنڈر ایئر میں سب سے زیادہ 50 یا 50 سے زیادہ رنز کی اننگز کھیلنے کا ریکارڈ مصباح الحق کے نام درج ہے۔ پاکستانی سابق کپتان نے سال 2013 میں 22 مرتبہ یہ کارنامہ انجام دیا تھا ۔ (Misbah ul Haq/Instagram)

ہندوستانی ٹیم کے تجربہ کار بلے باز وراٹ کوہلی کا بھی نام اس خاص لسٹ میں درج ہے ۔ کوہلی نے سال 2017 میں عمدہ بلے بازی کرتے ہوئے 21 مرتبہ 50 یا 50 سے زیادہ رنز کی اننگز کھیلی تھی ۔ (AP)

سال 2017 میں بطور کپتان دھمال مچانے کے بعد کوہلی نے 2019 میں بھی اپنے بلے سے چمک بکھیری ۔ انہوں نے اس سال بھی شاندار بلے بازی کرتے ہوئے 21 مرتبہ 50 یا 50 سے زیادہ رنز کی اننگز کھیلی ۔ (AP)