سری لنکا کی ٹیم نے پاکستان کو ہرایا تو بنے گی ایشیا کی نمبر 1، ہندوستان کا بڑا ریکارڈ خطرے میں

ایشیا کپ کا فائنل کچھ دیر بعد سری لنکا اور پاکستان کے درمیان کھیلا جانا ہے۔ ٹی ٹوینٹی ٹورنامنٹ میں کل 6 ٹیمیں مین راؤنڈ میں تھیں۔ ہر گروپ سے ٹاپ 2 ٹیموں کو سپر 4 میں جگہ ملی تھی۔ سپر 4 کی ٹاپ 2 ٹیمیں فائنل میں جگہ بنانے میں کامیاب رہی ہیں۔ (AP)

فائنل سے پہلے سری لنکا کے حوصلے بلند ہوں گے۔ اس نے سپر 4 کے میچ میں پاکستان کو شکست دی تھی۔ تاہم اس میچ میں پاکستان نے اپنے دو اہم کھلاڑیوں شاداب خان اور نسیم شاہ کو آرام دیا تھا۔ ایسے میں خطابی مقابلہ میں بابر اعظم کی قیادت میں ٹیم بدلہ لینے کے ارادے سے اترے گی۔ (AP)

یہ ایشیا کپ کا 15 واں سیزن ہے۔ ٹیم انڈیا نے 7 مرتبہ خطاب جیتا ہے۔ تاہم موجودہ سیزن میں ٹیم سپر 4 سے آگے نہیں بڑھ سکی۔ دوسری جانب سری لنکا نے 5 جبکہ پاکستان نے دو مرتبہ خطاب جیتا ہے۔ پاکستان نے آخری مرتبہ یہ خطاب 10 سال پہلے 2012 میں جیتا تھا۔ (AP)

ٹورنامنٹ کی تاریخ پر نظر ڈالیں تو ہندوستان اور سری لنکا دونوں نے 39-39 میچ جیتے ہیں۔ ایسے میں اگر سری لنکائی ٹیم آج کا خطابی مقابلہ جیتتی ہے تو وہ سب سے زیادہ میچ جیتنے والی ٹیم بن جائے گی۔ پاکستان کی ٹیم 31 میچ جیت کر تیسرے نمبر پر ہے۔ (AP)

سری لنکا نے ایشیا کپ میں اب تک 59 میچز کھیلے ہیں۔ اس نے 39 میچ جیتے ہیں، جب کہ 20 میں اس کو ہار ملی ہے۔ پاکستان کی بات کریں تو اس نے اب تک 54 میچ کھیلے ہیں۔ اس نے 31 میں کامیابی حاصل کی ہے جبکہ 22 میں اس کو شکست کا منہ دیکھنا پڑا ہے ۔ ایک میچ کا نتیجہ نہیں آیا۔ (AP)

ایشیا کپ کا موجودہ سیزن ٹی ٹوینٹی ورلڈ کپ کی تیاری کے حوالے سے اہم ہے۔ ٹورنامنٹ کے میچ اکتوبر نومبر میں آسٹریلیا میں ہونے والے ہیں۔ موجودہ ایشیا کپ میں سری لنکا کو پہلے میچ میں افغانستان سے ہار ملی تھی، لیکن اس کے بعد سری لنکا نے شاندار واپسی کی اور لگاتار 4 میچ جیتے۔ (AP)

ایشیا کپ کے موجودہ سیزن کی بات کریں تو ہندوستان کے وراٹ کوہلی رنز کے معاملہ میں اب بھی نمبر 1 پر ہیں۔ انہوں نے 5 اننگز میں 276 رنز بنائے ہیں۔ ایک سنچری اور دو نصف سنچریاں بنائی ہیں ۔ دوسری جانب پاکستان کے محمد رضوان 226 رنز کے ساتھ دوسرے نمبر پر ہیں۔ وہ کوہلی کو پیچھے چھوڑ سکتے ہیں۔ انہوں نے 2 نصف سنچریاں بنائی ہیں۔ (AFP)

گیندبازی کی بات کریں تو ہندوستگان کے تیز گیند باز بھونیشور کمار 11 وکٹوں کے ساتھ سرفہرست ہیں۔ انہوں نے 5 میچوں میں 10 کی اوسط سے شاندار گیند بازی کی۔ ان کی بہترین کارکردگی 4 رنز کے عوض 5 وکٹیں تھیں۔ دوسری جانب پاکستان کے لیفٹ آرم اسپنر محمد نواز 8 وکٹوں کے ساتھ دوسرے نمبر پر ہیں۔ (AP)