Ranji Trophy Final 2022: لیجنڈ ڈان بریڈمین کے برابر پہنچے سرفراز خان، کامبلی سے لے کر سچن تیندولکر تک کو چھوڑا پیچھے

سرفراز خان کا بلا لگاتار دوسرے رنجی سیزن میں رن رگل رہا ہے ۔ وہ موجودہ سیزن میں 937 رن بناچکے ہیں ۔ اس میں چار سنچریاں اور دو نصف سنچریاں شامل ہیں ۔ فائنل کی پہلی اننگز میں انہوں نے مدھیہ پردیش کے خلاف 134 رن بنائے ۔ اس وجہ سے ممبئی کی ٹیم 374 رن بنانے میں کامیاب رہی ۔ (Sarfaraz Khan Instagram)

24 سال کے سرفراز نے 2019 ۔ 20 رنجی سیزن میں 928 رن بنائے تھے ۔ وہ دو رنجی میں 900 سے زیادہ رن بنانے والے ممبئی کے پہلے بلے باز بن گئے ہیں ۔ شریس ایئر ، وسیم جعفر ، اجنکیا رہانے ، روسی مودی اور ابھیشیک نائر نے ایک ایک مرتبہ یہ کارنامہ انجام دیا ہے ۔ سچن تیندولکر اور ونود کامبلی جیسے لیجنڈ ایک سیزن میں 900 رن کا ہندسہ نہیں چھو سکے ہیں ۔ (Sarfaraz Khan Instagram)

سرفراز خان اپنے کیریئر کا 25 واں فرسٹ کلاس میچ کھیل رہے ہیں ۔ وہ 82 کی اوسط سے تقریبا 2500 رن بناچکے ہیں ۔ آٹھ سنچریاں اور پانچ نصف سنچریاں بنائی ہیں ۔ وہ اوسط کے معاملہ میں سابق لیجنڈ کرکٹر ڈان بریڈمین کے برابر پہنچ گئے ہیں ۔ دونوں کا فرسٹ کلاس کرکٹ میں اوسط 80 سے زیادہ کا ہے ۔ (Sarfaraz Khan Instagram)

ڈان بریڈمین نے 234 میچ میں 95 کی اوسط سے 28067 رن بنائے ۔ 117 سنچریاں اور 69 نصف سنچریاں بنائی ہیں ۔ اس کے بعد سرفراز خان ہیں ۔ ہندوستان کے لیجنڈ وجے مرچنٹ اس معاملہ میں تیسرے نمبر پر ہیں ۔ انہوں نے 150 میچ میں 72 کی اوسط سے 13470 رن بنائے ہیں ۔ 45 سنچریاں اور 52 نصف سنچریاں بنائی ہیں ۔ (AFP)

سابق ہندوستانی کرکٹر ونود کامبلی نے 129 میچ میں 60 کی اوسط سے 9965 رن بنائے ہیں ۔ 35 سنچریاں اور 44 نصف سنچریاں بنائی ہیں ۔ وہیں سچن تیندولکر نے 310 فرسٹ کلاس میچ میں 58 کی اوسط سے 25396 رن بنائے ہیں ۔ ناٹ آوٹ 248 رن کی اننگز کھیلی ہے ۔ 81 سنچریاں اور 116 نصف سنچریاں بنائی ہیں ۔ (AFP)

سرفراز خان نے فرسٹ کلاس کرکٹ میں ناٹ آوٹ 301 رن کی سب سے بڑی اننگز کھیلی ہے ۔ وہ آبائی طور پر اترپردیش کے ہیں، لیکن وہ اب ممبئی کیلئے کھیلتے ہیں ۔ (BCCI Domestic/Twitter)