آئی پی ایل میں ٹوٹے گاعمران ملک کا ریکارڈ! 5خطرناک گیندبازوں م یں ہوگی جنگ، ایک گیندباز کی رفتار کردے گی حیران
Speen King Of IPL: عمران ملک کسی پہچان کے محتاج نہیں۔ آئی پی ایل میں اپنے ڈیبیو کے بعد سے ہی اس طوفانی گیند باز نے دنیا کے معروف بلے بازوں کے دلوں میں ڈر پیدا کر رکھا ہے۔ اس 23 سالہ نوجوان تیز گیند باز کی نظریں اب آئی پی ایل میں دھوم مچانے پر لگی ہوئی ہیں۔ آئی پی ایل کا 16 واں سیزن 31 مارچ سے شروع ہوگا۔ اس بار لیگ میں کئی کھلاڑی داخل ہوں گے جو عمران کی اسپیڈ کے قریب بولنگ کریں گے۔ ان میں ایک نام ایسا بھی ہے جو سب کو حیران کر سکتا ہے۔ آر سی بی ٹیم نے اپنی ٹیم میں ایسے تیز گیند باز کو شامل کیا ہے جو 150 پلس پر لگاتار گیند بازی کر رہا ہے۔
دائیں ہاتھ کے تیز گیند باز عمران ملک (Umran Malik) نے آئی پی ایل کے 15ویں ایڈیشن میں سن رائزرز حیدرآباد کے لیے کھیلتے ہوئے 157 کلومیٹر فی گھنٹہ کی رفتار سے گیند پھینکی تھی۔ انہوں نے یہ ریکارڈ دہلی کیپٹلس کے خلاف بنایا۔ یہ پچھلے سیزن میں کسی بھی گیند باز کی تیز ترین گیند تھی۔ انہوں نے گزشتہ آئی پی ایل سیزن میں تقریباً تمام میچوں میں تیز ترین گیند بازی کا اعزاز حاصل کیا تھا۔ (انسٹاگرام)
دائیں ہاتھ کے تیز گیند باز اویناش سنگھ کو RCB نے 20 لاکھ کی بنیادی قیمت سے 3 گنا زیادہ قیمت پر اپنے ساتھ جوڑا ہے۔ اپنی درست لائن اور لینتھ کے لیے مشہور، اویناش سنگھ نے ابھی تک کوئی فرسٹ کلاس میچ نہیں کھیلا ہے۔ ان کی کئی ویڈیوز سوشل میڈیا پر وائرل ہیں، جن میں وہ مسلسل 150 سے زیادہ کی رفتار سے گیند پھینکتے نظر آ رہے ہیں۔ (انسٹاگرام)
نیلامی سے قبل اویناش سنگھ کو رائل چیلنجرز بنگلور نے ٹرائل کے لیے ممبئی بلایا تھا۔ اویناش نے ٹرائل میں اپنی گیند بازی سے آر سی بی ٹیم مینجمنٹ کو متاثر کیا تھا۔ انہوں نے ٹرائل کے دوران 154.3 کلومیٹر فی گھنٹہ کی رفتار سے گیند پھینکی تھی۔ اس کے بعد کے کے آر اور دہلی کیپٹلس کی ٹیم نے بھی انہیں ٹرائل کے لیے بلایا۔ (انسٹاگرام)
شیوم ماوی کا نام پہلی بار اس وقت روشنی میں آیا جب انہوں نے 2018 کے انڈر 19 ورلڈ کپ میں اپنی طوفانی گیندبازی کا جلوہ دکھایا۔ نیوزی لینڈ میں کھیلے گئے ورلڈ کپ میں ماوی نے شاندار گیندبازی کی۔ انہوں نے 145 کلو میٹر فی گھنٹہ کی رفتار سے گیند بازی کر کے کافی تعریفیں حاصل کیں۔ شیوم نے حال ہی میں سری لنکا کے خلاف ٹی 20 انٹرنیشنل کرکٹ میں ڈیبیو کیا جہاں انہوں نے اپنے پہلے ہی میچ میں 4 وکٹیں حاصل کیں۔ گیند کو سوئنگ کرنے میں ماہر شیوم آئی پی ایل میں 150 کی رفتار کو بھی چھو سکتے ہیں۔ شیوم آئی پی ایل کے 16ویں ایڈیشن میں گجرات ٹائٹنز کے لیے کھیلیں گے۔ (انسٹاگرام)
ہندوستان کے نوجوان تیز گیند باز کملیش ناگرکوٹی بھی انڈر 19 ورلڈ کپ کی دین ہیں۔ نیوزی لینڈ میں کھیلے گئے انڈر 19 ورلڈ کپ میں ناگرکوٹی نے شیوم ماوی کے ساتھ تیز گیند بازی کی تھی۔ وہ آئی پی ایل 2023 میں دہلی کیپٹلس کی جانب سے گیندبازی کرتے نظر آئیں گے۔ کملیش 145 کی رفتار سے بولنگ کر رہے ہیں۔ (انسٹاگرام)
سری لنکا کے تیز گیند باز متھیشا پاتھیرانا بھی آئی پی ایل میں اپنی تیز گیندبازی کی رفتار سے حیران کرنے کی صلاحیت رکھتے ہیں۔ 20 سالہ پتھیرانا، جو جونیئر ملنگا کے نام سے مشہور ہیں، انتہائی خطرناک یارکر ڈالتے ہیں۔ ان کا باؤلنگ ایکشن لاستھ ملنگا جیسا ہے۔ یہ نوجوان تیز گیند باز چنئی سپر کنگز کی جانب سے گیند بازی کرتے نظر آئے گا۔ پچھلے سال پتھیرانا نے سی ایس کے کے لیے 2 میچ کھیلے تھے، تب ان کے ایکشن اور رفتار کو لے کر کافی چرچا ہوئی تھی۔ (انسٹاگرام)