6,6,6,6,4,6... ایک اور میں بنے 34 رن اور پلٹ کا ٹی ٹوینٹی میچ، زمبابوے کے بلے باز نے بنگلہ دیشی گیند باز کو دھو ڈالا

زمبابوے کے بلے باز ریان برل نے بنگلہ دیش کے خلاف تیسرے ٹی ٹوینٹی میچ کے 15ویں اوور میں 34 رنز بنائے۔ بنگلہ دیش کی جانب سے نثوم احمد یہ اوور پھینک رہے تھے۔ نثوم کے اس اوور کی پہلی چار گیندوں پر برل نے چار چھکے لگائے۔ اس کے بعد انہوں نے آخری دو گیندوں پر ایک چوکا اور ایک چھکا لگایا۔ (Instagram)

نسوم احمد کا یہ دوسرا اوور تھا۔ انہوں نے دو اوورز میں 40 رنز دئے۔ تاہم اس دوران انہیں ایک وکٹ ضرور ملی۔ (Instagram)

ٹی 20 انٹرنیشنل کرکٹ میں کسی گیندباز کا یہ تیسرا سب سے مہنگا اوور ہے۔ اس فہرست میں انگلینڈ کے تیز گیند باز اسٹورٹ براڈ پہلے نمبر پر ہیں جبکہ سری لنکا کے اسپنر اکیلا دھننجے دوسرے نمبر پر ہیں۔ (Instagram)

2007 کے ٹی ٹوینٹی ورلڈ کپ میں ہندوستان کے اسٹار آل راؤنڈر یوراج سنگھ نے اسٹورٹ براڈ کے ایک اوور میں چھ چھکے لگائے تھے ۔ وہیں اکیلا دھننجے نے ویسٹ انڈیز کے خلاف ایک اوور میں 36 رنز دئے تھے ۔ کیرون پولارڈ نے اکیلا کی گیندوں کو پٹائی کی تھی ۔ (Instagram)

بنگلہ دیش کی جانب سے ٹی ٹوینٹی انٹرنیشنل کرکٹ میں سب سے زیادہ رنز دینے کا ریکارڈ سیف الدین احمد کے نام تھا، جنہوں نے 2017 میں جنوبی افریقہ کے خلاف اپنے ایک اوور میں 31 رنز دئے تھے۔ (Instagram)

زمبابوے نے سیریز کے تیسرے اور آخری ٹی ٹوینٹی میچ میں بنگلہ دیش کو 10 رنز سے شکست دی۔ اس کے ساتھ میزبان زمبابوے نے پہلی مرتبہ بنگلہ دیش کے خلاف ٹی ٹوینٹی سیریز جیت لی۔ (Instagram)

زمبابوے نے پہلے بلے بازی کرتے ہوئے 20 اوورز میں 8 وکٹوں پر 156 رنز بنائے۔ ریان برل نے 28 گیندوں پر سب سے زیادہ 54 رنز بنائے۔ بنگلہ دیش کی جانب سے مہدی حسن اور حسن محمود نے دو دو وکٹیں حاصل کیں۔ (Instagram)

ریان برل کو میچ وننگ اننگز کیلئے مین آف دی میچ جبکہ سکندر رضا کو مین آف دی سیریز قرار دیا گیا۔ (Instagram)