اسپورٹس
شعیب اختر نے سشانت سنگھ راجپوت کی خودکشی پر دیا بڑا بیان ، کہہ ڈالی ایسی بات ، لوگوں نے کردیا ٹرول
پاکستان کے لیجنڈ گیند باز شعیب اختر (Shoaib Akhtar) نے سشانت سنگھ (sushant singh rajput) کو لے کر بڑا بیان دیا ہے ۔ شعیب اختر نے 2016 میں ہوئی ان سے ملاقات کو یاد کرتے ہوئے کہا کہ اس وقت سشانت میں انہیں زیادہ خود اعتمادی نہیں نظر آئی تھی ۔
بالی ووڈ اداکار سشانت سنگھ راجپوت اب ہمارے درمیان نہیں ہیں ۔ 14 جون کو انہوں نے اپنے گھر میں پھانسی لگا کر خودکشی کرلی ۔ بتایا جارہا ہے کہ وہ ڈپریشن میں تھے ۔ حالانکہ پولیس ابھی بھی خودکشی کی وجوہات کا پتہ لگانے میں مصروف ہے ۔ اس درمیان پاکستان کے لیجنڈ گیند باز شعیب اختر نے سشانت سنگھ کو لے کر بڑا بیان دیا ہے ۔ تصویر : انسٹاگرام ۔
شعیب اختر نے 2016 میں ہندوستان میں ہوئی ان سے ملاقات کو یاد کرتے ہوئے کہا کہ اس وقت سشانت میں انہیں زیادہ خود اعتمادی نہیں نظر آئی تھی ۔ تصویر : انسٹاگرام ۔
شعیب اختر نے کہا کہ انہیں اس وقت سشانت سنگھ کو روک کر ان سے زندگی کے تجربات کے بارے میں بات کرنی چاہئے تھی ۔ تصویر : انسٹاگرام ۔
اپنے یوٹیوب چینل پر سابق تیز گیند نے کہا کہ 2016 میں وہ ہندوستان سے واپس جاتے وقت ممبئی کے ایک ہوٹل میں سشانت سنگھ سے ملے تھے ۔ تصویر : انسٹاگرام ۔
شعیب اختر نے کہا کہ ایمانداری سے کہوں تو مجھے وہ بہت خود اعتماد نہیں لگے تھے ۔ وہ میرے پاس سے سر جھکائے نکل گئے ۔ اس وقت میرے ایک دوست نے بتایا کہ وہ ایم ایس دھونی کی فلم میں ان کا رول ادا کر رہے ہیں ۔ تصویر : انسٹاگرام ۔
شعیب اختر نے کہا کہ اس وقت میں نے سوچا کہ مجھے ان کی اداکاری دیکھنی ہے ۔ وہ بہت ہی عاجزی پسند بیک گراونڈ سے تعلق رکھتے ہیں اور ایک بہترین فلم بنا رہے یں ۔ فلم کامیاب بھی ہوئی ۔ تصویر : انسٹاگرام ۔
سابق تیز گیند نے کہا کہ مجھے سشانت سنگھ کو روک کر ان سے زندگی کے بارے میں کچھ بات چیت نہ کرنے کا افسوس ہے ۔ میں ان سے اپنی زندگی کے تجربات شیئر کرسکتا تھا ۔ تصویر : انسٹاگرام ۔
شعیب اختر نے مزید کہا کہ جیسے میں بات کرتا ہوں ، شاید ان سے ویسے بات کرسکتا تھا ۔ مجھے ان سے بات نہ کرنے کا افسوس ہے ۔ تصویر : انسٹاگرام ۔
قابل ذکر ہے کہ سشانت سنگھ راجپوت کی موت کے بعد سے ہی مسلسل ان کو لے کر بیانات اور انکشافات سامنےآرہے ہیں ۔ حال ہی میں سشانت سنگھ راجپوت کے ایک خاص دوست اور پروڈیوسر سندیپ سنگھ نے سشانت اور اداکارہ انکتا لوکھنڈے کے ریلیشن شپ کو لے کر بڑا انکشاف کیا ہے ۔ تصویر : سندیپ انسٹاگرام ۔
سندیپ سنگھ نے کہا کہ وہ سشانت اور ریا چکرورتی کی شادی کی پلاننگ کے بارے میں کچھ نہیں جانتے ہیں ، لیکن ہاں وہ یہ ضرور جانتے تھے کہ ان کی ایکس گرل فرینڈ انکتا لوکھنڈے ہی انہیں صحیح معنوں میں سجھتی تھیں ۔ تصویر : سندیپ انسٹاگرام ۔
اسپاٹ بوائے سے بات کرتے ہوئے سندیپ نے کہا کہ سشانت کے آخری دنوں میں بھی ان کے آس پاس لوگ تھے ۔ ہم ہمیشہ میسیج اور کال کے ذریعہ ایک دوسرے سے وابستہ رہتے تھے ۔ مجھے نہیں لگتا کہ کوئی بھی جب ایسا کچھ کرنے کے بارے میں سوچتا ہے تو وہ کسی سے اس بارے میں بات کرتا ہے ۔ تصویر : سندیپ انسٹاگرام ۔
ریا چکرورتی سے شسانت سنگھ کی شادی کی پلاننگ پر بات کرتے ہوئے سندیپ نے کہا کہ میں تو ایسی کسی شادی میں مدعو نہیں تھا ، تو مجھے اس بارے میں سچ میں کچھ نہیں معلوم ۔ مجھے جو معلوم ہے وہ یہ کہ انکتا اور سشانت ایک وقت پر شادی کرنا چاہتے تھے ۔ تصویر : سندیپ انسٹاگرام ۔
انہوں نے مزید کہا کہ میرے لئے وہ اس کا آخری ریلیشن شپ تھا اور میں اسی یاد کے ساتھ زندہ رہنا چاہتا ہوں ۔ تصویر : سندیپ انسٹاگرام ۔
سندیپ نے بتایا کہ انکتا صرف اس کی گرل فرینڈ نہیں تھی ۔ اس نے سشانت کی زندگی میں اس کی ماں کی جگہ لی تھی ۔ وہ ایک ماں کی طرح اس کا خیال رکھتی تھی ۔ تصویر : سندیپ انسٹاگرام ۔
سندیپ نے کہا کہ انڈسٹری میں بیس سالوں کے اپنے سفر میں میں نے کبھی اس جیسی لڑکی نہیں دیکھی ۔ وہ سشنات کا ایسا خیال رکھتی تھی ، جیسے کوئی نہیں رکھ سکتا ۔ صرف وہی تھی ، جو اس کو بچا سکتی تھی ۔ وہ اس کے لئے یہ سب حق کے ساتھ کرتی تھی ۔ تصویر : سندیپ انسٹاگرام ۔
سندیپ نے مزید بتایا کہ انکتا جو کھانا بناتی تھی وہ سشانت کی پسند کا ہوتا تھا ۔ گھر کا انٹیریئر بھی اس بات پر منحصر کرتا تھا کہ اس کو کیا اور کیسے پسند ہے ۔ گھر میں جو کتابیں ہوا کرتی تھیں ، وہ وہی تھیں جو وہ پڑھنا پسند کرتا تھا ۔ تصویر : سندیپ انسٹاگرام ۔
سندیپ نے کہا کہ انکتا کیلئے اس کی خوشی سشانت کی خوشی پر منحصر رہتی تھی ۔ میں حقیقت میں چاہتا ہوں کہ سبھی کو انکتا جیسی لڑکی ملے ۔ تصویر : انسٹاگرام ۔
سندیپ کے مطابق انکتا سشانت کو لے کر اتنی جذبات تھی کہ وہ اس کیلئے اپنا کریئر تک چھوڑنے کیلئے تیار تھی ۔ اس کو فلموں کے بھی آفر مل رہے تھے ۔ بریک اپ کے بعد بھی وہ اکثر دعا کرتی تھی کہ سشانت کی فلمیں کامیاب ہوں ۔ تصویر : انسٹاگرام ۔
سندیپ سنگھ نے مزید کہا کہ جس دن سشانت نے یہ قدم اٹھایا ، میری سب سے بڑی فکر انکتا کیلئے تھی ۔ اس دن سشانت کے گھر سے ایمبولینس سے اسپتال تک کے میرے سفر کے دورا میں مسلسل انکتا کو فون کررہا تھا ، لیکن اس نے میرا فون نہیں اٹھایا ۔ مجھے معلوم تھا کہ وہ کیا کررہی تھی ۔ تصویر : انسٹاگرام ۔
سندیپ نے کہا کہ پوسٹ مارٹم کا کام ختم کرنے کے بعد میں سب سے پہلے اس کے گھر کی طرف بھاگا ۔ میں اس کو دس سالوں سے جانتا ہوں اور مجھے نہیں لگتا کہ اس نے کبھی مجھے وہ حق دیا تھا جو مجھے اس دن ملا تھا ۔ وہ میرا دل ہے اور میں اپنی صلاحیت کے حساب سے اس کیلئے کچھ بھی کروں گا ۔ تصویر : انسٹاگرام ۔
قابل ذکر ہے کہ حال ہی میں انکتا اور اپنے بیٹے کے رشتے پر پہلی مرتبہ سشانت کے والد کے کے سنگھ نے خاتوشی توڑی ہے ۔ بیٹے کی موت کے بعد انہوں نے دونوں کے رشتے کو لے کر بات چیت کی ۔
سشانت سنگ راجپوت کی موت کے بعد حال ہی میں ان کے والد نے ایک انٹرویو دیا ہے ، جس میں انہوں نے اپنے بیٹے اور ان کی ایکس گرل فرینڈ انکتا لوکھنڈے کے رشتے میں بارے میں بات کی ۔
اس بات چیت میں کے کے سنگھ نے بتایا کہ انکتا لوکھنڈے وہ اکیلی لڑکی ہیں ، جس کے بارے میں وہ جانتے تھے ۔
انہوں نے بتایا کہ سشانت کی ایکس گرل فرینڈ انکتا لوکھنڈے ان سے ملنے نہ صرف ممبئی آئی تھیں بلکہ وہ پٹنہ میں بھی ان سے ملنے آئی تھیں ۔ (تصویر سابھار: وائرل بھیانی۔)
اداکارہ کرتی سینن کے بارے میں انہوں نے کہا کہ آخری رسومات میں بہت لوگ آئے تھے ۔ کرتی سینن میرے پاس آئی تھیں ۔ میں بولنے میں حالت میں نہیں تھا ، لیکن وہ بول رہی تھی اور ہم سن رہے تھے ۔ تصویر : انسٹاگرام ۔
انہوں نے بتایا کہ کرتی سینن ، سشانت کی تعریف کررہی تھیں اور کہہ رہی تھیں کہ پیارا لڑکا تھا ۔ انہوں نے کہا کہ ماسک کی وجہ سے کوئی پہچان نہیں پایا ، لیکن بعد میں کسی نے بتایا کہ وہ کرتی سینن تھیں ۔ تصویر : انسٹاگرام ۔
سشانت اور انکتا کے بریک اپ پر بھی انہوں نے بات کی ۔ انہوں نے کہا کہ اب یہ تو اتفاق ہے ، جو ہونا ہوتا ہے ، وہ ہو ہی جاتا ہے ۔
سشانت کی شادی کو لے کر انہوں نے کہا کہ حال ہی میں میں نے سشانت سے کہا تھا کہ شادی کرلو جلدی ، جس پر سشانت نے جواب دیا تھا کہ ابھی کورونا ہے اور پھر کی ایک فلم ہے ، جس کو پوری کرنی ہے ، اس کے بعد شادی کا منصوبہ بنائیں گے ۔
یہ پوچھنے پر سشانت کس سے شادی کرنے والے تھے ، اس پر انہوں نے کہا کہ میں نے اس سے اس بارے میں کچھ نہیں پوچھا تھا ۔ میں نے بس یہی کہا تھا کہ اس کو جس سے بھی شادی کرنی ہے وہ کرسکتا ہے ۔ میں چاہتا تھا کہ وہ سیٹل ہوجائے ۔
بیٹے کے خوابوں کا ذکر کرتے ہوئے انہوں نے کہا کہ سشانت نے بہار کیلئے بہت کچھ کرنے کیلئے سوچا تھا ۔ بہار کے لوگوں کی مدد کیلئے وہ کچھ کرنا چاہتا تھا ، لیکن وقت نہیں ملا ۔ تصویر : انسٹاگرام ۔
انہوں نے بتایا کہ سشانت نے چاند پر زمین خریدی تھی ، زمین دیکھنے کیلئے اس نے ۵۵ لاکھ روپے کا ٹیلی اسکوپ خریدا تھا ۔ وہ اس ٹیلی اسکوپ سے اپنا پلاٹ ہی دیکھتا رہتا تھا ۔ تصویر : انسٹاگرام ۔
آپ کو بتادیں کہ سشانت سنگھ نے 14 جون کو ممبئی کے باندرہ میں واقع اپنے گھر میں خودکشی کرلی تھی ۔ انہوں ایسا کیوں کیا یہ کوئی نہیں جانتا ، لیکن یہ کہا جارہا ہے کہ گزشتہ کافی وقت سے ڈپریشن میں تھے ۔ تصویر : انسٹاگرام ۔
