SL vs PAK: بابر اعظم شاندار فارم میں، لیکن اس نئے گیند باز کے سامنے ہوجاتے ہیں بے بس

سری لنکا نے ٹیسٹ سیریز میں شاندار واپسی کی۔ ٹیم نے دوسرے ٹیسٹ کے 5ویں دن پاکستان کو دوسری اننگز میں 261 رنز پر ڈھیر کر دیا اور میچ 246 رنز سے جیت لیا۔ اس طرح 2 میچوں کی سیریز 1-1 سے برابر ہوگئی۔ بائیں ہاتھ کے اسپنر پربھات جے سوریہ نے سیریز میں 17 وکٹیں حاصل کیں۔ (Pakistan Cricket Twitter)

پاکستان کے کپتان بابر اعظم نے دوسری اننگز میں 81 رنز بنائے۔ تاہم وہ ٹیم کو شکست سے نہ بچا سکے۔ انہوں نے پچھلی 7 اننگز میں سے 6 میں 50 سے زیادہ رنز بنائے ہیں۔ لیکن وہ پربھات جے سوریہ کا توڑ تلاش نہیں کر پارہے ہیں ۔ اس گیند باز نے انہیں 4 میں سے 3 اننگز میں آؤٹ کیا ہے ۔ (Pakistan Cricket Twitter)

پربھات جے سوریہ نے اپنے کیریئر میں اب تک صرف 3 ٹیسٹ کھیلے ہیں، لیکن ان کا ریکارڈ شاندار ہے۔ انہوں نے 20 کی اوسط سے 29 وکٹیں حاصل کی ہیں ۔ ان کی بہترین کارکردگی 59 رنز کے عوض 6 وکٹیں ہیں۔ 4 بار 5 وکٹیں لے چکے ہیں۔ انہوں نے دوسرے ٹیسٹ کی پہلی اننگز میں 3 اور دوسری اننگز میں 5 وکٹیں حاصل کیں۔ (AFP)

بابر اعظم کو پہلے ٹیسٹ کی دوسری اننگز میں پربھات جے سوریہ نے بولڈ کیا تھا ۔ دوسرے ٹیسٹ کی دونوں اننگز میں پاکستان کے کپتان اس اسپن گیند باز کا شکار بنے۔ پربھات نے انہیں پہلی اننگز میں بولڈ کیا جبکہ دوسری اننگز میں ایل بی ڈبلیو کیا ۔ (AP)

سری لنکا نے دوسرے ٹیسٹ کی پہلی اننگز میں 378 رنز بنائے۔ جواب میں مہمان پاکستانی ٹیم 231 رنز ہی بنا سکی۔ دھننجے ڈی سلوا کی سنچری کی بنیاد پر سری لنکا نے دوسری اننگز 8 وکٹوں پر 360 رنز بنا کر ڈکلیئر کر دی۔ جواب میں 508 رنز کے ہدف کے تعاقب میں پاکستان کی ٹیم 261 رنز بنا کر آل آؤٹ ہوگئی۔ (Pakistan Cricket Twitter)

پاکستان نے ٹیسٹ سیریز میں شاندار آغاز کیا تھا۔ اس نے گال میں کھیلا گیا پہلا ٹیسٹ 4 وکٹوں سے جیتا تھا۔ اس وقت ٹیم نے 342 رنز کا بڑا ہدف 6 وکٹوں کے نقصان پر حاصل کر لیا تھا، لیکن ان کے بلے باز دوسرے ٹیسٹ میں کمال نہیں دکھا سکے۔ (PakCricket/Twitter)

اس سے پہلے سری لنکا نے اسی گراؤنڈ پر آسٹریلیا کے خلاف دوسرا ٹیسٹ جیت کر سیریز 1-1 سے برابر کر دی تھی۔ سری لنکا کی معاشی صورتحال اس وقت خراب ہے۔ دریں اثنا کھلاڑیوں نے پریشانی کے عالم میں بھی شاندار کارکردگی کا مظاہرہ کیا۔ ٹی ٹوینٹی ایشیا کپ سری لنکا سے یو اے ای منتقل کر دیا گیا ہے۔ (AP)