بڑی خبر ! جنوبی افریقہ کے کرکٹر کو ہوا کورونا وائرس ، 25 سال کی عمر میں لیور اور کڈنی بھی فیل

کورونا وائرس (Coronavirus) کا قہر پوری دنیا پر برپا ہے اور ڈھائی لاکھ سے زیادہ لوگ اس عالمی وبا میں اپنی جانیں گنوا چکے ہیں ۔ کئی کھلاڑیوں کو بھی یہ وائرس اپنی زد میں لے چکا ہے ۔ اب خبر آرہی ہے کہ جنوبی افریقہ کے 25 سال کے کرکٹر کو بھی کورونا وائرس ہوگیا ہے ۔ جنوبی افریقہ کے فرسٹ کلاس کرکٹر سولو نکینی (Solo Nqweni) کو کورونا وائرس سے متاثر پایا گیا ہے ۔

بتادیں کہ سولو گزشتہ سال جولائی سے گولین بیرے سنڈروم اور کچھ دیگر بیماریوں میں بھی مبتلا ہیں ۔ اسکاٹ لینڈ کے ابیرڈین میں اپنی بیماری کا علاج کروا رہے اس 25 سالہ آل راونڈر نے ٹویٹر پر یہ خبر شیئر کی ہے ۔

سولو تیسرے کرکٹر ہیں ، جنہیں کورونا وائرس پازیٹیو پایا گیا ہے ۔ ان سے پہلے پاکستان کے ظفر سرفراز اور اسکاٹ لینڈ کے ماجد حق کو بھی اس بیماری سے متاثر پایا گیا تھا ۔

سولو نے کہا کہ گزشتہ سال میں گولین بیرے سنڈروم کا شکار ہوگیا تھا اور گزشتہ دس ماہ سے اس بیماری میں مبتلا ہوں ۔ ابھی میں اس سے آدھا ہی صحتیاب ہوا تھا کہ مجھے ٹی بی کا مرض ہوگیا ۔ میرے لیور اور گردے فیل ہوگئے ہیں اور اب مجھے کورونا وائرس سے متاثر پایا گیا ہے ۔ میری سمجھ میں نہیں آرہا ہے کہ یہ سب میرے ساتھ ہی کیوں ہورہا ہے ۔

بتادیں کہ سولو جنوبی افریقہ کی طرف سے 2012 میں انڈر 19 میں کھیلے تھے ۔ سولو کے علاج کیلئے جنوبی افریقہ کی ٹیم نے پچاس ہزار رینڈ دئے ہیں ۔