T20 World Cup: فائنل میچ ہار کر بھی پاکستانی کھلاڑی ہوئے مالامال، جانئے ملی کتنی بڑی رقم

انگلینڈ نے پاکستان کو پانچ وکٹوں سے شکست دے کر ٹی ٹوینٹی ورلڈ کپ کا خطاب جیت لیا ہے۔ میلبورن میں کھیلے گئے فائنل میچ میں پاکستان نے انگلینڈ کو 138 رنز کا چیلنج دیا۔ بین اسٹوکس کی نصف سنچری کی مدد سے انگلینڈ نے یہ ہدف 19ویں اوور کی آخری گیند پر حاصل کرلیا۔ (AP Photo)

اپنا دوسرا ٹی ٹوینٹی ورلڈ کپ کا خطاب جیتنے کے بعد انگلینڈ کو فاتح کے طور پر 1.6 ملین امریکی ڈالر یعنی 16 لاکھ ڈالر (تقریباً 13.05 کروڑ روپے) ملے۔ (AP Photo)

وہیں خطاب سے چوک جانے والے پاکستانی ٹیم کے کھلاڑی بھی مالا مال ہو گئے۔ پاکستانی ٹیم کو رنر اپ کے طور پر 8 لاکھ امریکی ڈالر (تقریباً 6 کروڑ روپے) ملے۔ (AP Photo)

پاکستان اور انگلینڈ کے کے علاوہ نیوزی لینڈ اور ہندوستان کی ٹیمیں بھی سیمی فائنل میں پہنچیں تھیں اور انہیں 4 لاکھ ڈالر یعنی تقریباً 3-3 کروڑ روپے انعام کے طور پر بھی ملے ۔ (AP Photo)

فائنل کے بعد بابر اعظم نے انگلینڈ کو مبارکباد دیتے ہوئے کہا کہ انگلش ٹیم چیمپئن بننے کی مستحق ہے اور اچھی طرح سے لڑے ۔ بابر اعظم نے کہا کہ ہمیں یہاں گھر جیسا محسوس ہوا، ہر وینیو پر اچھی سپورٹ ملی۔ آپ کے تعاون کا شکریہ ۔ (AP Photo)

انہوں نے کہا کہ ہاں، ہم نے پہلے دو گیمز ہارے، لیکن آخری چار گیمز میں جس طرح سے ہم پہنچے وہ ناقابل یقین تھا۔ میں نے لڑکوں سے کہا کہ وہ اپنا فطری کھیل کھیلیں، لیکن ہم 20 رنز کم رہ گئے اور لڑکوں نے گیند سے اچھا مقابلہ کیا۔ (AP Photo)

بابر نے کہا کہ ہماری گیند بازی دنیا کے بہترین اٹیکس میں سے ایک ہے۔ بدقسمتی سے شاہین کی انجری نے ہمیں مایوس کیا، لیکن یہ کھیل کا حصہ ہے ۔ (AP Photo)

فائنل میچ کی بات کریں تو پاکستان کو ٹاس ہارنے کے بعد پہلے بلے بازی کرنی پڑی۔ پاکستان کی ٹیم 20 اوورز میں صرف 137 رنز ہی بنا سکی۔ (AP Photo)

بابر اعظم نے 32، شان مسعود نے 38 اور شاداب خان نے 20 رنز بنائے۔ اس کے علاوہ پاکستان کا کوئی بھی بلے باز 20 رنز کا ہندسہ نہیں چھو سکا۔ (AP Photo)

تعاقب کرنے اتری انگلینڈ کی ٹیم کا آغاز خراب رہا۔ سیمی فائنل میچ میں ہیرو رہنے والے ایلکس ہیلس جلد آؤٹ ہو گئے۔ وہیں فلپ سالٹ نے 10 رنز بنائے۔ کپتان جوس بٹلر نے 26 رنز بنائے ۔ (AP Photo)

تاہم چیمپئن کھلاڑی بین اسٹوکس نے نصف سنچری بنا کر ٹیم کو جیت دلائی اور اس کے ساتھ ہی انگلینڈ نے ٹی ٹوینٹی ورلڈ کپ ٹورنامنٹ کا خطاب اپنے نام کرلیا ۔ (AP Photo)