India vs Ireland T20i Series: عمران ملک کے پاس خود کو ثابت کرنے کیلئے صرف 5 مواقع! پہلے 5 میچ بینچ پر کرتے رہے انتظار

عمران ملک نے آئی پی ایل 2022 میں شاندار کارکردگی کا مظاہرہ کیا تھا ۔ سن رائزرس حیدرآباد کی جانب سے کھیلتے ہوئے انہوں نے 22 وکٹ جھٹکے تھے ۔ وہ لگاتار 150 کلو میٹر فی گھنٹہ کی رفتار سے گیندبازی کرتے ہیں ۔ اس کے بعد سبھی لیجنڈ کرکٹرس انہیں ٹیم انڈیا میں جگہ دینے کی بات کرنے لگے ۔ (AFP)

آئی پی ایل کے بعد ٹیم انڈیا کو جنوبی افریقہ سے پانچ میچوں کی ٹی ٹوینٹی سیریز کھیلنی تھی ۔ سیریز کیلئے پہلی مرتبہ جموں و کشمیر کے تیز گیند عمران ملک کو ہندوستانی ٹیم میں جگہ ملی ۔ سیریز سے سینئر کھلاڑی باہر تھے، لیکن کوچ راہل دراوڑ اور کپتان ریشبھ پنت نے صرف گیارہ کھلاڑیوں کو ہی سیریز میں آزمایا۔ (BCCI Twitter)

اب ہندوستانی ٹیم کو 28 اور 28 جون کو آیئرلینڈ کے خلاف دو میچوں کی ٹی ٹوینٹی سیریز کھیلنی ہے ۔ سیریز کیلئے ہاردک پانڈیا کو کپتان بنایا گیا ہے ۔ ٹیم میں عمران ملک کو ایک مرتبہ پھر جگہ ملی ہے ۔ آئی پی ایل کے دوران عمران ملک نے اپنی باونسر گیندوں سے پانڈیا کو کافی پریشان کیا تھا ۔ (BCCI/IPL)

22 سال کے عمران ملک کو آئیرلینڈ کے خلاف موقع مل سکتا ہے ۔ وہاں کی پچ تیز گیندبازوں کیلئے موزوں مانی جاتی ہے ۔ اس کے علاوہ کئی رپورٹ کے مطابق اسی ٹیم کو سات سے دس جولائی کے درمیان انگلینڈ کے خلاف بھی تین میچوں کی ٹی ٹوینٹی سیریز کھیلنے کا موقع ملے گا ۔ (Sunrisers Hyderabad Instagram)

عمران ملک اگر ان پانچ میچوں میں اترتے ہیں تو انہیں اچھی کارکردگی دکھانی ہوگی۔ اس کے بعد ویسٹ انڈیز سیریز سے ٹیم ٹی ٹوینٹی ورلڈ کپ کی تیاری شروع کردے گی ۔ ورلڈ کپ کے مقابلے اکتوبر اور نومبر میں آسٹریلیا میں ہونے ہیں ۔ ایسے میں ٹیم انہیں کھلاڑیوں کو زیادہ مواقع دینا چاہے گی ، جو ورلڈ کپ کا حصہ ہوں۔ (PTI)

پچھلے سال یو اے ای میں کھیلے گئے ٹی ٹوینٹی ورلڈ کپ میں ہندوستانی ٹیم کی کارکردگی اچھی نہیں رہی تھی اور ٹیم پہلے ہی راونڈ سے باہر ہوگئی تھی ۔ ایسے میں کپتان روہت شرما اور کوچ راہل دراوڑ اس مرتبہ تیاری میں کوئی کمی نہیں رکھنا چاہیں گے ۔ (Indian cricket team instagram)