مسلسل فون کرکے پریشان کررہی تھی بالی ووڈ کی یہ بڑی اداکارہ ، کرکٹر ریشبھ پنت نے کردیا بلاک

ہندوستان کے نوجوان وکٹ کیپر بلے باز ریشبھ پنت کا ستارہ ان دنوں گردش میں ہے ۔ جمعہ کو سری لنکا کے خلاف کھیلے گئے تیسرے اور آخری ٹی 20 میچ میں انہیں پلیئنگ الیون میں جگہ نہیں ملی تو وہیں میدان پر بھی ان کی کارکردگی کچھ خاص نہیں ہے ، جس کی وجہ سے وہ فکر مند بھی ہیں ۔ تصویر : بی سی سی آئی ۔

بتایا جارہا ہے کہ اسی پریشانی میں انہوں نے وہاٹس ایپ اور فون دونوں پر ہی بالی ووڈ اداکارہ اروشی روتیلا کو بلاک کردیا ہے ۔ اسپاٹ بوائے کی خبر کے مطابق پنت ، اروشی سے بات نہیں کرنا چاہتے ہیں اور انہوں نے اس بالی ووڈ اداکارہ کو بلاک کردیا ہے ۔

پنت کے ایک قریبی نے انکشاف کیا ہے کہ اروشی روتیلا ، پنت سے مسلسل بات کرنے کی کوشش کررہی تھیں ، جس کے بعد ٹیم انڈیا کے وکٹ کیپر نے یہ بڑا قدم اٹھایا ہے ۔ جب اروشی سے اس بارے میں بات کرنے کی کوشش کی گئی تو ان کے ترجمان نے کہا کہ ایک دوسرے کو بلاک کرنے کا فیصلہ دونوں نے آپسی رضامندی سے کیا ہے ۔ تصویر : اے پی ۔

خیال رہے کہ گزشتہ سال پنت کا نام اروشی روتیلا کے ساتھ جوڑا گیا تھا ۔ ہاردک پانڈیا سے دوری بنانے کے بعد اروشی روتیلا کو گزشتہ سال پنت کے ساتھ ڈنر ڈیٹ پر دیکھا گیا تھا ۔ ویسٹ انڈیز کے خلاف ٹی 20 میچ سے پہلے دونوں ڈیٹ پر گئے تھے ، جس کے بعد سے ہی دونوں کو لے کر میڈیا میں خبریں آنے لگی تھیں ۔ تصویر : بی سی سی آئی ۔

حالانکہ کے اروشی روتیلا کے ساتھ پنت کے رشتے کی خبر زیادہ وقت تک نہیں چلی ۔ نئے سال کے موقع پر پنت نے ایشا نیگی کے ساتھ انسٹاگرام پر تصویر شیئر کرکے سب کو چونکا دیا تھا ۔ ان کی یہ تصویر واضح طور پر اشارہ کررہی تھی کہ وہ ایشا کو ڈیٹ کررہے ہیں ۔