وراٹ کوہلی نے پونے ٹی 20 میں بنا ڈالے دو ورلڈ ریکارڈ ، دنیا میں کوئی نہیں کرپایا ایسا کمال

ٹیم انڈیا کے کپتان وراٹ کوہلی نے پونے میں سری لنکا کے خلاف ٹی 20 میچ میں تاریخ رقم کردی ۔ اس میچ میں انہوں نے دو ورلڈ ریکارڈ اپنے نام کئے ۔ اپنی اننگز کی پہلی گیند پر ایک رن لیتے ہی انہوں نے کپتان کے طور پر 11 ہزار رن پورے کرلئے ۔ یہی نہیں بین الاقوامی ٹی 20 میچوں میں 250 چوکے لگانے والے بھی وہ پہلے بلے باز بن گئے ہیں ۔ ( تصویر : بی سی سی آئی ڈاٹ کام ) ۔

وراٹ کوہلی نے پونے ٹی 20 میچ میں سری لنکا کے خلاف 17 گیندوں میں دو چوکے اور ایک چھکا کی مدد سے 26 رن بنائے ۔ کوہلی چھٹے نمبر پر بلے بازی کرنے کیلئے اترے تھے ۔ ( تصویر : بی سی سی آئی ڈاٹ کام ) ۔

وراٹ کوہلی دنیا کے چھٹے اور ہندوستان کے دوسرے کپتان ہیں ، جنہوں نے یہ کمال کیا ہے ۔ بطور کپتان انہوں نے سب سے تیز 11 ہزار رن بنائے ہیں ۔( تصویر : بی سی سی آئی ڈاٹ کام ) ۔

وراٹ کوہلی نے 196 اننگز میں کپتان کے طور پر 11 ہزار رن پورے کئے ہیں ۔ ان کے بعد آسٹریلیا کے رکی پونٹنگ ( 252 اننگز ) گریم اسمتھ ( 264 اننگز ) ایلن بورڈر ( 316 اننگز ) اور ایم ایس دھونی ( 324 اننگز ) ہیں ۔ ( تصویر : بی سی سی آئی ڈاٹ کام ) ۔

وراٹ کوہلی نے اس میچ میں بین الاقوامی ٹی 20 میں 250 چوکے بھی پورے کئے ۔ وہ اس سنگ میل تک پہنچنے والے پہلے بلے باز ہیں ۔ ان کے بعد روہت شرما کا نام آتا ہے ، جنہوں نے اب تک 234 چوکے لگائے ہیں ۔ ( تصویر : بی سی سی آئی ڈاٹ کام ) ۔

وراٹ کوہلی نے ٹی 20 میں 74 چھکے بھی لگائے ہیں اور وہ ہندوستانی بلے بازوں میں یوراج سنگھ کے ساتھ مشترکہ طور پر دوسرے نمبر پر ہیں ۔ ( تصویر : بی سی سی آئی ڈاٹ کام ) ۔

خیال رہے کہ پونے ٹی 20 میں ٹیم انڈیا نے پہلے بلے بازی کرتے ہوئے چھ وکٹ پر 201 رن بنائے ، جس کے جواب میں سری لنکا کی پوری ٹیم 15.5 اوورس میں 123 رن بناکر آوٹ ہوگئی ۔ ٹیم انڈیا نے یہ میچ 78 رنوں سے جیت لیا ۔ ( تصویر : بی سی سی آئی ڈاٹ کام ) ۔