وہاب ریاض نے پاکستان کیلئے رقم کی تاریخ، ٹی ٹوینٹی کرکٹ میں دنیا کے ان چھ گیندبازوں کا ہے دبدبہ

پاکستانی تیز گیند باز وہاب ریاض نے تاریخ رقم کردی ہے۔ وہ ٹی ٹوینٹی فارمیٹ میں سب سے زیادہ وکٹیں لینے والے پاکستان کے پہلے گیند باز بن گئے ہیں۔ یہی نہیں وہ ٹی ٹوئنٹی کرکٹ میں سب سے زیادہ وکٹیں لینے والے گیند بازوں کی فہرست میں چھٹے نمبر پر پہنچ گئے ہیں ۔ (Wahab Riaz/Instagram)

وہاب ریاض 2005 سے 2023 کے درمیان ٹی ٹوینٹی فارمیٹ میں کئی ٹیموں کے لئے کھیلتے ہوئے نظر آئے۔ اس دوران انہوں نے 335 میچ کھیل کر 331 اننگز میں 22.25 کی اوسط سے 401 کامیابیاں حاصل کیں۔ ٹی ٹوینٹی کرکٹ میں وہاب ریاض نے تین مرتبہ پانچ اور پانچ مرتبہ چار وکٹیں لینے کا کارنامہ انجام دیا ہے۔ (Wahab Riaz/Instagram)

وہیں اگر ٹی ٹوینٹی فارمیٹ میں سب سے زیادہ وکٹیں حاصل کرنے والے گیند باز کی تو بات کریں تو یہ خاص ریکارڈ ویسٹ انڈیز کے آل راؤنڈر ڈیوین براوو کے نام درج ہے۔ براوو نے 2006 سے 2022 کے درمیان الگ الگ ٹیموں کے لیے 556 میچ کھیلے اور 526 اننگز میں 24.13 کی اوسط سے 614 وکٹیں حاصل کیں ۔ (Dwayne bravo/instagram)

افغان اسپنر راشد خان اس فہرست میں دوسرے نمبر پر ہیں۔ راشد نے 2015 سے 2023 کے درمیان ٹی ٹوینٹی فارمیٹ میں 369 میچز کھیلتے ہوئے 366 اننگز میں 18.26 کی اوسط سے 496 وکٹیں حاصل کی ہیں۔ (AP)

تیسرے نمبر پر ویسٹ انڈیز کے تجربہ کار اسپنر سنیل نارائن کا نام آتا ہے۔ نارائن نے 2011 سے 2022 کے درمیان ٹی 20 کرکٹ میں 435 میچ کھیل کر 20.89 کی اوسط سے 427 اننگز میں 474 وکٹیں حاصل کیں۔ (PTI)

افریقی اسپنر عمران طاہر چوتھے نمبر پر ہیں۔ طاہر نے 2006 سے 2022 کے درمیان ٹی ٹوینٹی کرکٹ میں 373 میچ کھیل کر 358 اننگز میں 466 کامیابیاں حاصل کیں۔ (AFP)

بنگلہ دیش کے موجودہ کپتان شکیب الحسن پانچویں نمبر پر ہیں۔ انہوں نے 2006 سے 2023 کے درمیان ٹی ٹوینٹی کرکٹ میں 389 میچز کھیل کر 382 اننگز میں 21.44 کی اوسط سے 436 وکٹیں حاصل کی ہیں۔ (AFP)