PAK vs WI: پاکستانی کرکٹ ٹیم کے کپتان بابر اعظم ایک اور تاریخ رقم کرنے کے قریب، وراٹ کوہلی رہ جائیں گے پیچھے

بابر اعظم کا شمار دنیا کے بہترین بلے بازوں میں ہوتا ہے ۔ وہ اگلے مہینے شروع ہونے والی ون ڈے سیریز میں ایک اور بڑا ریکارڈ اپنے نام کرسکتے ہیں ۔ پاکستان اور ویسٹ انڈیز کے درمیان تین میچوں کی سیریز آٹھ جون سے شروع ہورہی ہے ۔ (Virat Kohli Babar Azam Instagram)

بابر اعظم ورلڈ کپ سپر لیگ میں اب تک 902 رن بنائے ہیں ۔ وہ اگر سیریز میں 98 رن بنالیتے ہیں تو ایک ہزار رن تک پہنچنے والے دنیا کے پہلے بلے باز بن جائیں گے ۔ ان کے ریکارڈ کو دیکھتے ہوئے یہ مشکل نظر نہیں آرہا ہے ۔ (AFP)

پاکستان کے کپتان بابر اعظم نے سپر لیگ کے 12 میچوں میں اب تک 90 کی اوسط سے 902 رن بنائے ہیں ۔ پانچ سنچری اور تین نصرف سنچریاں بنائی ہیں ۔ 158 رن کی سب سے بڑی اننگز کھیلی ہے ۔ (Twitter/PakistanCricket)

دیگر کوئی بلے باز 800 رن کا ہندسہ بھی نہیں چھو سکا ہے ۔ آئرلینڈ کے پال اسٹرلنگ دوسرے نمبر پر ہیں ۔ انہوں نے 17 میچوں میں 47 کی اوسط سے 791 رن بنائے ہیں ۔ (Vitality Blast Twitter)

وہیں ہندوستان کی بات کی جائے تو شیکھر دھون ٹاپ پر ہیں ۔ انہوں نے 10 میچوں میں 47 کی اوسط سے 427 رن بنائے ہیں ۔ انہوں نے چار نصف سنچریاں لگائی ہیں ۔ وہیں وراٹ کوہلی نے نو میچوں میں 328 رن بنائے ہیں، جس میں چار نصف سنچریاں شال ہیں ۔ (PTI)

گیند بازی کی بات کریں تو آسٹریلیا کے لیگ اسپنر ایڈم زمپا اور آئرلینڈ کے کریگ ینگ مشترکہ طور پر نمبر ایک پر ہیں ۔ اب تک دونوں نے 28 ۔ 28 وکٹ لئے ہیں ۔ (AFP)