دنیش کارتک کا ڈیبیو کے 16 سال بعد ٹی20 میں پہلی نصف سنچری، Dhoni کا ریکارڈ ٹوٹا، ہندوستان کی افریقہ کے خلاف سب سے بڑی جیت

دنیش کارتک نے جنوبی افریقہ کے خلاف راج کوٹ کے سوراشٹر کرکٹ ایسوسی ایشن اسٹیڈیم میں 27 گیندوں پر 55 رنوں کی اننگ کھیلی۔ انہوں نے اپنی نصف سنچری اننگ میں 2 چھکے اور 9 چوکے لگائے۔ اس دوران ان کا اسٹرائیک ریٹ 200 سے زیادہ کا رہا۔ (Instagram)

دنیش کارتک کی نصف سنچری اس وقت آئی، جب ٹیم انڈیا ایک وقت 81 رنون پر 4 وکٹ گنواکر مشکل میں دکھائی دے رہی تھی۔ انہوں نے بہترین اننگ کھیل کر ٹیم انڈیا کا اسکور 20 اوور میں 6 وکٹ پر 169 رن تک پہنچانے میں اہم کردار ادا کیا۔ (Instagram)

دنیش کارتک کا یہ ٹی20 بین الاقوامی کرکٹ میں یہ پہلی نصف سنچری ہے۔ اس نصف سنچری کے لئے انہیں 16 سال تک انتظار کرنا پڑا۔ انہوں نے 37 سال 16 دن کی عمر میں ٹی20 بین الاقوامی کرکٹ میں پہلی نصف سنچری لگائی۔ (Instagram)

دنیش کارتک نے اس دوران مہندر سنگھ دھونی کے ریکارڈ کو بھی توڑ دیا، جنہوں نے36 سال 229 دن کی عمر میں نصف سنچری اننگ کھیلی تھی۔ دھونی نے سال 2018 میں جنوبی افریقہ کے خلاف یہ اننگ کھیلی تھی۔ دھونی کے ٹی20 انٹرنیشنل کیریئر کی یہ دوسری نصف سنچری تھی۔ (Instagram)

دنیش کارتک ٹی20 بین الاقوامی کرکٹ میں چھٹے یا اس سے نچلے آرڈر میں اترکر سب سے بڑی اننگ کھیلنے والے ہندوستانی بلے باز بن گئے ہیں۔ اس سے پہلے ایم ایس دھونی نے 2018 میں سنچورین میں جنوبی افریقہ کے خلاف 43 گیندوں پر ناٹ آوٹ 52 رنوں کی اننگ کھیلی تھی۔ (Instagram)

ہندوستانی ٹیم کی ٹی20 میں جنوبی افریقہ کے خلاف رنوں کے لحاظ سے یہ سب سے بڑی جیت ہے۔ اس سے پہلے ٹیم انڈیا نے جنوبی افریقہ کو کرکٹ کے سب سے چھوٹے فارمیٹ میں اسی سیریز میں 48 رنوں سے شکست دی تھی۔ (Instagram)

جنوبی افریقہ کا ٹی20 بین الاقوامی کرکٹ میں یہ سب سے کم اسکور ہے۔ اس سے پہلے اسے آسٹریلیا نے سال 2020 میں جوہانسبرگ میں 89 رنوں پر آوٹ کردیا تھا۔ اسی سال آسٹریلیا نے کیپ ٹاون میں بھی پروٹیاز ٹیم کی اننگ کو 96 رنوں پر سمیٹ دیا تھا۔ (CSA Instagram)