انگلینڈ سے آئی دردناک خبر ، چار دن پہلے لاپتہ کھلاڑی کی ملی لاش، کھیل دنیا میں غم کی لہر

اسٹریلی برج سیلٹک فٹ بال کلب کے اسٹرائیکر جیمس ڈین کی موت ہوگئی ہے ۔ اتوار کو لنکا شائر پولیس نے ان کی لاش برآمد کی ۔ تبادیں کہ جیمس ڈین گزشتہ چار دنوں سے لاپتہ تھے اور پولیس ، ان کے کنبہ کے افراد اور دوست ان کی تلاش کررہے تھے ۔

جیمس ڈین کی عمر 35 سال تھی اور وہ آخری مرتبہ آکرڈ ڈرائیور علاقہ میں پانچ مئی کو دیکھے گئے تھے ۔ جیمس ڈین کے لاپتہ ہونے کے بعد لنکا شائر پولیس نے ٹویٹر پر ان کی تصویر بھی پوسٹ کی ، لیکن ان کا کوئی سراغ نہیں مل سکا ۔ آخر میں اتوار کو جیمس ڈین کی لاش بلیک برن علاقہ سے برآمد ہوئی ۔ تصویر : سوشل میڈیا اسکرین شاٹ ۔

جیمس ڈین کا قتل ہوا یا نہیں، اس کا انکشاف ابھی تک نہیں ہوسکا ہے ۔ لنکا شائر پولیس کے مطابق ابھی جیمس ڈین کا پوسٹ مارٹم ہوگا اور اسی کے بعد سچ سامنے آئے گا ۔ تصویر : سوشل میڈیا اسکرین شاٹ ۔

پولیس نے کہا کہ جانچ اور تلاشی مہم کے بعد دوپہر تقریبا ڈھائی بجے ایک لاش ماکسو مل اسٹریٹ سے برآمد ہوئی ۔ موت کو فی الحال قتل سے جوڑ کر نہیں دیکھا جارہا ہے ، کیونکہ ابھی پوسٹ مارٹم ہونا باقی ہے ۔ تصویر : سوشل میڈیا اسکرین شاٹ ۔

چھ فٹ تین انچ طویل فٹ بالر جیمس ڈین نے اپنا کریئر گریٹ ہارووڈ ٹاون کے ساتھ شروع کیا تھا ، وہ کلیتھیور ، نارٹ وچ وکٹوریہ اور اسٹریلی بریج سیلٹک کے ساتھ وابستہ تھے ۔ تصویر : سوشل میڈیا اسکرین شاٹ ۔