ہندوستانی تیز گیند بازوں نے رقم کی تاریخ، پہلی بار جھٹکے ریکارڈ وکٹ، ایسا کیا کارنامہ

جسپریت بمراہ (Jasprit Bumrah) کی قیادت میں ٹیم انڈیا کے تیز گیند بازوں کی شاندار کارکردگی جاری ہے۔ پانچویں ٹسٹ (IND vs ENG) کے دوسرے دن کا کھیل ختم ہونے پر انگلینڈ نے پہلی اننگ میں 84 رنوں پر 5 وکٹ گنوا دیئے تھے۔ جسپریت بمراہ نے تین جبکہ محمد شمی اور محمد سراج نے ایک ایکٹ وکٹ حاصل کئے۔ (AFP)

انگلینڈ کے خلاف پانچ میچوں کی سیریز میں ہندوستانی تیز گیند باز اب تک 66 وکٹ لے چکے ہیں۔ یہ ایک دوطرفہ ٹسٹ سیریز میں ان کی بہترین کارکردگی ہے۔ اس سے قبل 2018 میں انگلینڈ میں ہی کھیلی گئی پانچ میچوں کی سیریز میں ہندوستانی گیند بازوں نے سب سے زیادہ 61 وکٹ اپنے نام کئے تھے۔ (AFP)

انگلینڈ کے خلاف موجودہ سیریز کی بات کی جائے، تو اب تک 6 ہندوستانی تیز گیند بازوں نے کم از کم ایک وکٹ حاصل کئے ہیں۔ پانچویں ٹسٹ میں کپتانی کر رہے جسپریت بمراہ اس معاملے میں ٹاپ پر ہیں۔ وہ اب تک 20 کی اوسط سے 21 وکٹ حاصل کرچکے ہیں۔ 64 رن دے کر 5 وکٹ ان کی بہترین کارکردگی ہے۔ (AFP)

محمد سراج 15 وکٹ لے کر دوسرے نمبر پر ہیں۔ ان کا اوسط 29 کا ہے۔ 32 رن دے کر 4 وکٹ سب سے بہترین کارکردگی ہے۔ وہیں سینئر تیز گیند باز محمد شمی اب تک 12 وکٹ حاصل کرچکے ہیں۔ 95 رن دے کر 4 وکٹ سب سے اچھی کارکردگی ہے۔ (Mohammed Siraj instagram)

شاردل ٹھاکرنے 7، امیش یادو نے 6 اور ایشانت شرما نے 5 وکٹ حاصل کئے ہیں۔ تاہم ایشانت شرما کو ٹیم میں جگہ نہیں ملی ہے۔ وہیں امیش یادو پانچویں ٹسٹ میں نہیں کھیل رہے ہیں۔ شاردل ٹھاکر پلیئنگ الیون کا حصہ ہیں۔ ایسے میں ان کے پاس اپنی کارکردگی کو مزید آگے لے جانے کا موقع ہے۔ (Shardul Thakur Instagram)

ٹیم انڈیا انگلینڈ کے خلاف ابھی ٹسٹ سیریز میں 2-1 سے آگے ہے۔ ایسے میں اس کے پاس سیریز جیتنے کا بہترین موقع ہے۔ ٹیم اگر آخری میچ جیت لیتی ہے، تو اس کے عالمی ٹسٹ چمپئن شپ میں 60 فیصد پوائنٹ بھی ہوجائیں گے۔ آسٹریلیا کی ٹیم ابھی 78 فیصد پوائنٹ کے ساتھ ٹاپ پر ہے۔ (PTI)