IND vs SA: محمد شمی ٹسٹ میں ہندوستان کے سب سے بہترین گیند باز، کپل دیو بھی نہیں ہیں آس پاس

محمد شمی (Mohammed Shami) نے ایک نیا ریکارڈ اپنے نام کرلیا ہے۔ انہوں نے پہلے ٹسٹ (India vs South Africa) کی پہلی اننگ میں پانچ وکٹ حاصل کئے۔ اس کے ساتھ ان کے ٹسٹ میں 200 وکٹ بھی پورے ہوگئے ہیں۔ وہ ہندوستان کی طرف سے ایسا کرنے والے اوور آل 11ویں گیند باز بنے۔ (تصویر کریڈٹ: اے پی)

محمد شمی نے 55ویں ٹسٹ میں یہ کارنامہ انجام دیا۔ وہ اب تک ٹسٹ میں 6 بار 5 وکٹ لینے کا کارنامہ انجام دے چکے ہیں۔  56 رن دے کر 6 وکٹ ان کی بہترین کارکردگی رہی ہے۔ ان کی شاندار گیندبازی کی بدولت جنوبی افریقہ کی ٹیم پہلی اننگ میں صرف 197 رن بناسکی۔ ہندوسان نے 327 رن بنائے تھے۔ (تصویر کریڈٹ: اے پی)

ہندوستانی تیز گیند باز محمد شمی کا ٹسٹ میں اسٹرائیک ریٹ 49.4 کا ہے۔ یہ 200 یا اس سے زیادہ وکٹ لینے والے ہندوستانی گیند بازوں میں بہترین ہے۔ یعنی وہ ہندوستان کے بہترین گیند باز کہے جاسکتے ہیں۔ کپل دیو (Kapil Dev) نے ٹسٹ میں 434 وکٹ حاصل کئے ہیں۔  وہ ہندوستان کی طرف سے ٹسٹ میں سب سے زیادہ وکٹ لینے والے تیز گیند باز ہیں، لیکن ان کا اسٹرائیک ریٹ 63.9 کا ہے۔ (تصویر کریڈٹ: اے پی)

محمد شمی ٹسٹ میں سب سے کم  گیندوں میں 200 وکٹ لینے والے ہندوستانی گیند باز بھی بن گئے ہیں۔ انہوں نے 9896 گیندوں پر یہ کارنامہ انجام دیا۔ اس سے پہلے یہ ریکارڈ آف اسپنر آر اشون (R Ashwin) کے پاس تھا۔ انہوں نے 10,248 گیندوں پر ایسا کیا تھا۔ کپل دیو نے 11,066 گیندوں پر اور رویندر جڈیجہ نے 11,989 گیندوں پر ایسا کیا ہے۔ (تصویر کریڈٹ: اے پی)

محمد شمی ہندوستان کی طرف سے تیسرے سب سے کم میچوں میں 200 وکٹ لینے والے تیز گیند باز بنے۔ کپل دیو نے 50 میچوں میں جبکہ جواگل شری ناتھ نے 54 میچوں میں یہ کارنامہ انجام دیا۔ محمد شمی 55ویں ٹسٹ میں یہاں تک پہنچے۔ ظہیر خان اور ایشانت شرما دونوں نے 63-63 میچوں میں ایسا کیا تھا۔ (تصویر کریڈٹ: اے پی)

ہندوستان کی طرف سے ٹسٹ میں سب سے تیز 200 وکٹ لینے کا ریکارڈ آر اشون کے نام ہے۔ انہوں نے 37 ٹسٹ میں یہ ریکارڈ بنایا۔ اوور آل یہ ریکارڈ پاکستان کے لیگ اسپنر یاسر شاہ کے نام ہے۔ انہوں نے 33 ٹسٹ میں یہ کارنامہ انجام دیا ہے۔ (Virat Kohli/Twitter)