IND vs WI: ٹیم انڈیا کی نظر ویسٹ انڈیز اور پاکستان دونوں کو پٹخنی دینے پر، ہم بنیں گے نمبر-1

روہت شرما (Rohit Sharma) کی قیادت میں ٹیم انڈیا نے ویسٹ انڈیز کے خلاف ٹی20 سیریز میں کمال کی کارکردگی پیش کی ہے۔ ٹیم 5 میچوں کی سیریز میں 1-2 سے آگے ہے۔ اگلے 2 میچ امریکہ میں ہونے ہیں۔ کل ہونے والے میچ کو اگر ہندوستان جیت لیتا ہے، تو وہ سیریز پر قبضہ بھی کرلے گا۔ (Team India instagram)

ٹیم انڈیا نے اس سے پہلے شکھر دھون کی قیادت میں ونڈے سیریز میں 0-3 سے کلین سوئپ کیا تھا۔ ہندوستانی ٹیم نے ٹی20 سیریز کا پہلا میچ 68 رنوں سے جیتا تھا، لیکن میزبان ویسٹ انڈیز نے دوسرا میچ 5 وکٹ سے جیت کر شاندار واپسی کی تھی۔ ہندوستانی ٹیم نے تیسرا ٹی20 سات وکٹ سے جیتا۔ (PTI)

ٹیم انڈیا اگر چوتھا ٹی20 جیت لیتی ہے، تو نہ صرف سیریز پر قبضہ کرے گی، بلکہ پاکستان کا ایک بڑا ریکارڈ بھی توڑ دے گی۔ ابھی ہندوستان اور پاکستان دونوں نے ویسٹ انڈیز کے خلاف سب سے زیادہ 15-15 ٹی20 انٹرنیشنل میچ جیتے ہیں۔ اب ہندوستان کے پاس نمبر-1 بننے کا موقع ہے۔ (Indian cricket team instagram)

ہندوستان اور ویسٹ انڈیز کے درمیان اب تک کل 23 ٹی20 کے مقابلے کھیلے گئے ہیں۔ ٹیم انڈیا نے 15 میچ جیتے ہیں۔ دوسری طرف ویسٹ انڈیز کو 7 میچوں میں جیت ملی ہے۔ ایک میچ کا نتیجہ نہیں آیا ہے۔ وہیں پاکستان نے 21 میں سے 15 میچوں میں ویسٹ انڈیز کو شکست ملی ہے۔ ویسٹ انڈیز نے 3 مقابلے جیتے ہیں۔ 3 کا نتیجہ نہیں نکلا ہے۔ (Indiancricketteam Instagram)

موجودہ سیریز کی بات کریں تو سوریہ کمار یادو شاندار فارم میں چل رہے ہیں۔ وہ ٹیم انڈیا کی طرف سے سب سے زیادہ 111 رن بنانے والے بلے باز ہیں۔ انہوں نے ایک نصف سنچری بھی لگائی ہے۔ کپتان روہت شرما نے ایک نصف سنچری کے سہارے 75 جبکہ رشبھ پنت نے 71 رن بنائے ہیں۔ (AP)

گیند بازی کی بات کریں تو بائیں ہاتھ کے تیز گیند باز ارش دیپ سنگھ نے سب سے زیادہ 4 وکٹ حاصل کئے ہیں۔ 24 رن دے کر 2 وکٹ ان کی بہترین اسکور رہی ہے۔ اکنامی 7 سے کم کا ہے۔ آف اسپنر آر اشون اور تیز گیند باز بھونیشور کمار کو 3-3 سے وکٹ حاصل ہوئے ہیں۔ (Indian cricket team instagram)

روہت شرما نے نیا کپتان بننے کے بعد اب تک ایک بھی سیریز نہیں گنوائی ہے۔ ایسے میں وہ یہاں بھی جیت درج کرنا چاہیں گے۔ تیسرے ٹی20 کے دوران وہ زخمی ہوگئے ہیں۔ ان کے کھیلنے پر فیصلہ میط سے پہلے لیا جائے گا۔ ٹیم منیجمنٹ ان سے متعلق کوئی خطرہ نہیں مول لینا چاہتی۔ (AP)