IND vs ZIM: کے ایل راہل کے آنے سے ایک اور نوجوان کو دینی ہوگی قربانی، ویسٹ انڈیز میں کیا تھا کمال

ہندوستان اور زمبابوے کے درمیان 3 میچوں کی ونڈے سیریز 18 اگست سے شروع ہو رہی ہے۔ اس کے لئے ٹیم وہاں پہنچ بھی چکی ہے۔ کپتان کے ایل راہل (KL Rahul) پر سب سے زیادہ نظر رہے گی۔ وہ آئی پی ایل 2022 کے بعد پہلی بار کوئی مقابلہ کھیلنے جا رہے ہیں۔ (AFP)

کے ایل راہل کو چوٹ کے سبب سرجری تک کرانی پڑی تھی۔ ان کے علاوہ دیگر سینئر کھلاڑیوں کو دورے سے آرام دیا گیا ہے۔ تیز گیند باز دیپک چاہر کو بھی ٹیم میں جگہ ملی ہے۔ وہ چوٹ کے سبب آئی پی ایل میں بھی نہیں اتر سکے تھے۔ ایسے میں وہ واپسی کرنے کو تیار ہیں۔

ویسٹ انڈیز دورے پر بھی ونڈے سیریز سے سینئر کھلاڑیوں کو آرام دیا گیا تھا۔ شکھر دھون کے ساتھ نوجوان بلے باز شبھمن گل نے اوپننگ کی تھی اور شاندار اننگ کھیلی تھی۔ پہلے میچ میں انہوں نے 64 رن بنائے تھے۔ دوسرے میچ میں 43 اور تیسرے میچ میں ناٹ آوٹ 98 رنوں کی اننگ کھیلی تھی۔ بارش کے سبب وہ سنچری نہیں بنا سکے تھے۔ (AFP)

شبھمن گل اور شکھر دھون نے پہلے میچ میں پہلے وکٹ کے لئے ے 119 رنوں کی بڑی شراکت کی تھی۔ دوسرے میچ میں 48 اور تیسرے میچ میں ایک بار پھر 113 رنوں کی اہم شراکت کی تھی۔ اس وجہ سے ٹیم نے سیریز میں 0-3 سے کلین سوئپ بھی کیا تھا۔ 205 رن بنانے والے شبھمن گل ’پلیئر آف دی سیریز‘ منتخب ہوئے تھے۔ (AFP)

لیکن اب کے ایل راہل کے لوٹنے کے بعد شبھمن گل کا بطور کھیلنا مشکل ہے۔ کے ایل راہل اور شکھر دھون کو موقع مل سکتا ہے۔ گل نمبر-3 پر کھیل سکتے ہیں۔ انہوں نے اب تک کھیلے 6 ونڈے میں 51 کی اوسط سے 254 رن بنائے ہیں۔ 2 نصف سنچری لگائی ہے۔ (AFP)

کے ایل راہل کا ونڈے میں بطور سلامی بلے بازی کا ریکارڈ بے حد اچھا رہا۔ وہ 21 اننگوں میں 47 کی اوسط سے 884 رن بنا چکے ہیں۔ 3 سنچری اور 6 نصف سنچری لگائی ہے۔ وہ اوور آل 42 ونڈے میں 47 کی اوسط سے 1634 رن بناچکے ہیں۔ 5 سنچری اور 10 نصف سنچری لگائی ہے۔ (AFP)

دوسری جانب شکھر دھون نے بطور سلامی بلے باز ونڈے میں 154 میچوں کی 152 اننگوں میں 45 کی اوسط سے 6493 رن بنائے ہیں۔ 17 سنچری اور 37 نصف سنچری لگائی ہے۔ 143 رن کی بڑی اننگ کھیلی ہے۔ یعنی ان کے پاس بڑا تجربہ ہے۔ (BCCI Twitter)

ہندوستان اور زمبابوے کے درمیان ونڈے کے ریکارڈ کو دیکھیں تو یہاں ہندوستانی ٹیم کافی آگے ہے۔ دونوں کے درمیان اب تک 63 ونڈے میچ کھیلے گئے ہیں۔ ٹیم انڈیا 51 میچ جیتنے میں کامیاب رہی ہے۔ زمبابوے کو 10 میچوں میں جیت ملی ہے۔ 2 میچ ٹائی رہے ہیں۔ (Indian cricket team Instagram)