ہندوستان۔پاکستان میں جنگ چھڑ جائے گی، پرویز مشرف نے کرکٹر ہندوستانی کپتان سے کیوں کہا تھا ایسا؟ جانئے

پاکستان کے سابق صدر جنرل ریٹائرڈ پرویز مشرف (Pervez Musharraf) اب اس دنیا میں نہیں رہے ہیں۔ طویل عرصے علیل رہنے کے بعد 79 برس کی عمر میں دبئی میں انتقال کر گئے۔ بیماری کی وجہ سے وہ کافی عرصے سے پاکستان سے باہر تھے۔

میڈیا رپورٹس میں سابق صدر کے اہل خانہ نے بتایا ہے کہ سابق صدر پرویز مشرف کا آج علی الصبح دبئی کے اسپتال میں انتقال ہوگیا ہے۔ پرویز مشرف کے اہل خانہ کے حوالے سے یہ بھی بتایا گیا ہے کہا کہ انہوں نے ایمیلائیڈوسس کے سبب آج دم توڑ دیا۔ وہ چند ہفتوں سے اسپتال میں داخل تھے۔

کرکٹ کے شوقین پرویز مشرف نے ہندوستانی کرکٹ ٹیم کے اس وقت کے کپتان سوربھ گانگولی کو فون کیا تھا اور خبردار کیا تھا کہ اگر انہوں نے یہ کام دوبارہ کیا تو دونوں ممالک کے درمیان جنگ شروع ہو جائے گی۔

اب سوال یہ پیدا ہوتا ہے کہ مشرف نے گانگولی سے یہ بات کب، کہاں اور کیوں کہی تھی؟ چلئے ہم آپ کو تفصیل سے بتاتے ہیں۔

دراصل یہ واقعہ سال 2004 کا ہے جب ہندوستانی ٹیم پاکستان کے دورے پر گئی تھی۔ پھر ہندوستان نے پاکستان کو ٹیسٹ اور ون ڈے دونوں میں شکست دی تھی۔ دونوں سیریز جیتنے کے بعد گانگولی بہت خوش تھے۔ چند سال پہلے کولکاتہ کے اس واقعے کو یاد کرتے ہوئے 'دادا' نے بتایا تھا کہ 'ہم اس جیت کا جشن نہیں منا پائے تھے، میں اپنے دوستوں کے ساتھ ہوٹل کے پچھلے گیٹ سے نکلا اور کھانے کے لیے بازار چلا گیا۔

سکیورٹی کے لحاظ سے میں نے پولیس فورس کو اپنے ساتھ نہیں لیا کیونکہ وہاں ہر طرف بندوقیں دکھائی دے رہی تھیں۔ کسی نے ہمیں فوڈ اسٹریٹ پر کھانا کھاتے ہوئے دیکھ لیا۔ کچھ دیر بعد مجھے انٹیلی جنس سے کال آئی اور ہمیں ہوٹل واپس آنا پڑا۔ حالانکہ ہم سیریز جیت چکے تھے، اس لیے مجھے ڈانٹ نہیں پڑی۔

'سوربھ گانگولی کو فون کیا اور یہ بات کہی'
سوربھ گانگولی ہندوستان کے کامیاب ترین کپتانوں میں سے ایک ہیں۔ انہوں نے کئی سالوں تک ٹیم انڈیا کی کپتانی کی۔ گانگولی کی قیادت میں ٹیم انڈیا 2003 میں ورلڈ کپ کے فائنل میں پہنچی تھی۔ گانگولی کے مطابق 'اگلے دن صبح 11 بجے مجھے پرویز مشرف کا فون آیا اور انہوں نے کہا کہ اب سے ایسا نہ کریں۔ کیونکہ اگر کچھ ناخوشگوار ہوگیا تو دونوں ممالک کے درمیان جنگ چھڑ جائے گی۔

جنرل پرویز مشرف 2001 سے 2008 تک پاکستان کے صدر رہے۔ مشرف کو 1999 میں کارگل جنگ کا ذمہ دار بھی سمجھا جاتا ہے۔ مشرف اس وقت پاکستانی فوج کے سربراہ تھے۔ مشرف نے پاکستان کے دورے پر گئے مہیندر سنگھ دھونی کے لمبے بالوں کی تعریف کی تھی۔ انہوں نے دھونی کو ان کے بال نہ کٹوانے کا مشورہ بھی دیا تھا۔