IPL 2020: پچھلے میچ میں خود کو کیا تھا زخمی ، اب واپسی کے ساتھ ٹی 20 کرکٹ میں رسیل نے مچایا دھمال

اسٹار آل راونڈر آندرے رسیل نے کولکاتہ نائٹ رائیڈرس کی طرف سے کنگس الیون پنجاب کے خلاف کھیلتے ہوئے پچھلے میچ میں خود کو زخمی کرلیا تھا اور رائل چیلنجرس بنگلورو کے خلاف پیر کو ان کا میدان پر اترنا مشکل مانا جارہا تھا ، مگر اس کھلاڑی نے نہ صرف میدان پر واپسی کی بلکہ کمال بھی کردیا ۔ ( فوٹو کریڈٹ : آئی پی ایل ٹویٹر ہینڈل ) ۔

ٹاس جیت کر کے کے آر کے خلاف پہلے بلے بازی کرنے کیلئے اتری آر سی بی کو 67 رن پر آندرے رسیل نے پہلا بڑا جھٹکا دیا ۔ رسیل نے دیودت پڈیکل کو بولڈ کرکے ان کی اننگز کو 32 رن پر ہی سمیٹ دیا ۔

اسی وکٹ کے ساتھ انہوں نے ٹی 20 میں اپنے 300 وکٹ بھی پورے کرلئے ہیں ۔ پڈیکل ٹی 20 کرکٹ میں ان کے 300 ویں شکار بنے ۔

دراصل پچھلے میچ میں کنگس الیون پنجاب کے خلاف فیلڈنگ کے دوران آندرے رسیل نے خود کو زخمی کرلیا تھا ۔ پنجاب کی اننگز کے دوران کے کے آر کی طرف سے پرسدھ کرشنا گیند بازی کررہے تھے ۔

اسٹرائیک پر پنجاب کے کپتان کے ایل راہل تھے ۔ آندرے رسیل مڈ آف میں فیلڈنگ کررہے تھے ۔ کے ایل راہل کی باونڈری روکنے کیلئے رسیل نے سخت محنت کی ، لیکن اپنے پیر کو زخمی کرلیا ۔