IPL 2020: بھونیشور کمار کی جگہ لے گا 22 سال کا یہ گیند باز ، سن رائزرس حیدرآباد میں ہوا شامل

سن رائزرس حیدرآباد نے منگل کو آفیشیل طور پر اعلان کیا کہ ان کے اسٹار گیند باز بھونیشور کمار اس سال آئی پی ایل کے پورے سیزن سے باہر ہوگئے ہیں ۔ ایس آر ایچ نے ان کی جگہ لینے والے گیند باز کا بھی اعلان کردیا ہے ۔ (SRH)

گزشتہ ہفتہ کو چنئی سپرکنگس کے خلاف ہوئے میچ میں بھونیشور کمار آخری اوور کرتے ہوئے زخمی ہوگئے تھے ۔ اس کے بعد وہ ممبئی انڈینس کے خلاف میچ میں بھی کھیلنے کیلئے میدان پر نہیں اترے تھے ۔ ( Photo - @BhuviOfficial)

سن رائزرس حیدرآباد نے کولکاتہ نائٹ رائیڈرس کیلئے کھیل چکے آندھرا پردیش کے پرتھوی راج یارا کو بھونیشور کمار کی جگہ ٹیم میں شامل کیا ہے ۔ فرنچائزی نے ٹویٹ کرکے اس کی جانکاری دی ۔ 22 سال کے پرتھوی راج نے اب تک صرف تین ہی ٹی ٹوینٹی میچ کھیلے ہیں ۔ گزشتہ سال کے کے آر کی جانب سے دو میچ کھیلے تھے ۔ ان دو میچوں میں وہ صرف ایک ہی وکٹ حاصل کرپائے تھے ۔ (IPL)

انہوں نے اس کے علاوہ آندھرا پردیش کی جانب سے جھارکھنڈ کے خلاف ٹی ٹوینٹی میچ کھیلا تھا ۔ پرتھوی راج نے آندھرا پردیش کی جانب سے گیارہ فرسٹ کلاس میچ کھیلے ہیں ، جس میں انہوں نے 39 وکٹ لئے ہیں ۔ وہیں نو لسٹ اے میچوں میں انہوں نے 15 وکٹ حاصل کئے ہیں ۔ (IPL)