IPL 2022: آئی پی ایل میں ہندوستانی گیند بازوں کا جلوہ، اسپنروں نے اسپیڈ ماسٹرس کو روکا، نمبر-1 کی دوڑ دلچسپ

آئی پی ایل 2022 میں 10 ٹیموں کے درمیان کل 74 مقابلے کھیلے جانے ہیں۔ اب تک 47 مقابلے کھیلے جا چکے ہیں۔ یعنی 64 فیصدی مقابلے ختم ہوچکے ہیں۔ اب سب سے زیادہ وکٹ لینے والے گیند بازوں کی بات کریں تو ٹاپ-5 میں 4 ہندوستانی ہیں۔ یعنی غیر ملکی اس بار چھاپ چھوڑنے میں ناکام کر رہے ہیں۔ (yuzvendra chahal Instagram)

ٹاپ-5  گیندبازوں میں 3 اسپنروں نے جگہ بنائی ہے۔ یعنی انہوں نے تیز گیند بازوں کی اسپیڈ پر روک لگا دی ہے۔ راجستھان رائلس سے کھیل رہے لیگ اسپنر یجویندر چہل نے سب سے زیادہ 19 وکٹ حاصل کئے ہیں۔ انہوں نے 10 میچ کھیلے ہیں اور اوسط 15 کا ہے۔ انہوں نے 7.27 کی اکنامی سے رن دیئے ہیں۔ (Twitter/IPL)

بائیں ہاتھ کے اسپن گیند باز کلدیپ یادو 17 وکٹ کے ساتھ دوسرے نمبر پر ہیں۔ دہلی کیپٹلس سے کھیل رہے کلدیپ یادو نے اب تک 8 مقابلے کھیلے ہیں۔ ان کا اوسط 16 کا ہے اور اکنامی  8.23 کا ہے۔ ان کی کارکردگی اس لئے بھی لاجواب کہی جاسکتی ہے، کیونکہ گزشتہ سیزن میں انہیں کھیلنے تک کا موقع نہیں ملا تھا۔ (PTI)

سن رائزرس حیدرآباد سے کھیل رہے بائیں ہاتھ کے تیز گیند باز ٹی نٹراجن تیسرے نمبر پر ہیں۔ انہوں نے بھی 9 میچوں میں 17 وکٹ حاصل کئے ہیں۔ اوسط 18 کا اور اکنامی 8.65 کا ہے۔ گزشتہ سیزن میں وہ چوٹ کے سبب نہیں کھیل سکے تھے۔ (PIC-Natarajan/Instagram)

آر سی بی سے کھیل رہے لیگ اسپنر وانندو ہسارنگا نے 10 میچوں میں 15 اور کولکاتا نائٹ رائیڈرس سے کھیل رہے تیز گیند باز امیش یادو نے بھی 10 میچوں میں 15 وکٹ حاصل کئے ہیں۔ ہسارنگا چوتھے اور امیش یادو پانچویں نمبر پر ہیں۔ 20 رن دے کر 4 وکٹ سری لنکا کے ہسارنگا کی بہترین کارکردگی ہے۔ (PIC-IPL/Instagram)

آئی پی ایل 2021 کی بات کریں تو تیز گیند باز ہرشل پٹیل نے سب سے زیادہ وکٹ حاصل کیا تھا اور پرپل کیپ پر قبضہ کیا تھا، لیکن وہ موجودہ سیزن میں صرف 10 ہی وکٹ حاصل کرسکے ہیں۔ ان کیپڈ تیز گیند باز عمران ملک نے بھی 9 میچوں میں 15 وکٹ حاصل کرچکے ہیں۔ (Sunrisers Hyderabad Instagram)