HBD جیمس اینڈرسن: عظیم سچن تندولکر کو ٹسٹ میں سب سے زیادہ بار آوٹ کرنے والے گیند باز

دنیا کے عظیم تیز گیند بازوں میں شمار جیمس اینڈرسن آج یعنی 30 جولائی 2022 کو 40 سال کے ہوگئے۔ لنکاشر کے برنلے میں پیدا ہوئے اینڈرسن نے کئی ریکارڈ بنائے اور کئی ریکارڈ توڑے۔ وہ آج ٹسٹ کرکٹ میں سب سے زیادہ وکٹ حاصل کرنے والے تیز گیند باز ہیں۔ اس فارمیٹ میں سب سے زیادہ وکٹ کے معاملے میں جیمس اینڈرسن تیسرے نمبر پر ہیں۔

جیمس اینڈرسن کا پورا نام جیمس مائیکل اینڈرسن ہے۔ انہیں پیار سے ان کے فینس اور ساتھی کھلاڑی جمی بھی بلاتے ہیں۔ سال 2002 میں ونڈے کے ذریعہ انٹرنیشنل ڈیبیو کرنے والے جیمس اینڈرسن نے اپنے پہلے میچ میں ایک وکٹ حاصل کیا۔ پھر 2003 میں انہوں نے ٹسٹ ڈیبیو کیا اور زمبابوے کے خلاف لارڈس کے میدان پر مقابلہ کھیلا۔ اینڈرسن نے اپنے پہلے ہی ٹسٹ میچ کی پہلی اننگ میں 5 وکٹ حاصل کئے۔ (AFP)

جیمس اینڈرسن انگلینڈ کے سب سے کامیاب گیند باز ہیں۔ ان کے بعد ساتھی اسٹورٹ براڈ کا نمبر آتا ہے۔ اینڈرسن نے ابھی تک کے اپنے ٹسٹ کیریئر میں 657 وکٹ حاصل کئے ہیں۔ وہیں، اسٹورٹ براڈ کے نام 552 وکٹ حاصل کئے ہیں۔ (AFP)

اینڈرسن نے فرسٹ کلاس کرکٹ میں ابھی تک 1055 وکٹ حاصل کئے ہیں۔ وہ 53 بار فرسٹ کلاس کرکٹ میں پانچ یا اس سے زیادہ وکٹ حاصل کرچکے ہیں۔ انہوں نے ونڈے میں 269 جبکہ ٹی20 انٹرنیشنل فارمیٹ میں 18 وکٹ حاصل کئے ہیں۔ (AFP)

جیمس اینڈرسن ٹسٹ میں 650 یا اس سے زیادہ وکٹ لینے والے انگلینڈ کے واحد اور دنیا کے تیسرے ہی گیند باز ہیں۔ سری لنکا کے عظیم گیند باز متھیا مرلی دھرن نے 800 اور آسٹریلیا کے آنجہانی شین وارن نے 708 وکٹ اس فارمیٹ میں حاصل کئے ہیں۔ (AFP)

عظیم بلے باز سچن تندولکر کو ان کے کیریئر میں سب سے زیادہ بار اگر کسی گیند باز نے اپنا شکار بنایا ہے تو وہ جیمس اینڈرسن ہی ہیں۔ اینڈرسن نے سچن تندولکر کو 14 ٹسٹ میچوں میں کل 9 بار آوٹ کیا ہے۔ انہوں نے ہندوستان کے خلاف اپنے ٹسٹ کیریئر میں ابھی تک کل 57 وکٹ حاصل کئے ہیں۔ (AFP)

جیمس اینڈرسن دائیں ہاتھ سے گیند بازی کرتے ہیں تو وہیں بائیں ہاتھ سے بلے بازی۔ دلچسپ بات یہ ہے کہ وہ لیفٹ آرم اسپن بھی پھینک سکتے ہیں۔ انگلینڈ میں ایک نمائشی میچ میں انہوں نے قومی ٹیم کے اپنے ساتھی ایان بین کو لیفٹ آرم اسپن پر ہی آوٹ کیا تھا۔ (AFP)

جیمس اینڈرس نے اپنے ٹسٹ کیریئر میں ایک نصف سنچری بھی لگائی ہے۔ انہوں نے ہندوستان کے خلاف ناٹنگھم میں جولائی 2014 میں کھیلے گئے ٹسٹ میچ میں 81 رنوں کی اننگ کھیلی تھی۔ یہ میچ ڈرا رہا تھا اور جیمس اینڈرسن کو ہی مین آف دی میچ منتخب کیا گیا۔ انہوں نے میچ میں 4 وکٹ بھی حاصل کئے تھے۔ (AFP)