جانی بیرسٹو کے والد تھے کرکٹر، ڈپریشن کی وجہ سے کی خودکشی، انگلش کھلاڑی صدمے سے ایسے نکلاباہر

جانی بیرسٹو نے گزشتہ دنوں نیوزی لینڈ کے خلاف ٹسٹ سیریز میں 2 سنچری کے سہارے 390 سے زیادہ رن بنائے۔ اس دوران ان کا اسٹرائیک ریٹ 120 کا رہا، جو ٹسٹ کے لحاظ سے بہترین ہے۔ انگلش ٹیم نے سیریز پر 0-3 سے کلین سوئپ بھی کیا۔ بیرسٹو آج سے ٹیم انڈیا کے خلاف شروع ہوئے پانچویں ٹسٹ میں بھی انگلش ٹیم کا حصہ ہیں۔ (Jonny bairstow Instagram)

جانی بیرسٹو کے والد ڈیوڈ بیرسٹو بھی کرکٹر رہے۔ انہوں نے انگلینڈ کی طرف سے 4 ٹسٹ اور 21 ونڈے کھیلے۔ والد اور بیٹے دونوں وکٹ کیپر کے طور پر کھیلتے۔ ڈیوڈ بیرسٹو نے فرسٹ کلاس کرکٹ میں تقریباً 14 ہزار رن بنائے۔ 10 سنچری اور 73 نصف سنچری لگائی۔ انہوں نے 145 رن کی بہترین اننگ کھیلی۔ (AFP)

جانی بیرسٹو صرف 8 سال کے تھے، تب ان کے والد نے ڈپریشن کے سبب خودکشی کرلی تھی۔ وہ کاونٹی ٹیم یارک شائر کا لمبے وقت تک حصہ رہے۔ جانی بیرسٹو نے کہا کہ جب میرے والد نے خود کشی کی تو اس وقت میں اور میری بہن کافی چھوٹے تھے۔ ان کی موت فیملی کے لئے گہرے صدمے سے کم نہیں تھی۔

انہوں نے بتایا کہ والد کی موت کے بعد میں نے ٹھان لیا تھا کہ اب مجھے صرف کرکٹر ہی بننا ہے۔ بیرسٹو کو ایشیز سیریز (18-2017) کے دوسرے ٹسٹ میں ایک آسٹریلیائی فین نے ان کے والد کے وکٹ کیپنگ گلبس دیئے۔ بیرسٹو نے کہا کہ یہ میرے لئے بے حد خاص تھا۔ (Jonny bairstow Instagram)

32 سال کے جانی بیرسٹو نے انگلینڈ کی طرف سے 86 ٹسٹ، 89 ونڈے اور 63 ٹی20 کے مقابلے اب تک کھیلے ہیں۔ وہ ٹسٹ میں 10 سنچری اور 23 نصف سنچری کی بدولت 5195 رن بناچکے ہیں۔ وہیں ونڈے کی بات کریں تو انہوں نے 11 سنچری اور 14 نصف سنچری کی مدد سے 3498 رن بنائے۔ ناٹ آوٹ 141 رنوں کی بہترین اننگ کھیلی۔ (jbairstow21)

وہ ٹی20 انٹرنیشنل میں 7 نصف سنچری کے سہارے 1190 رن بناچکے ہیں۔ ان کا اوورآل ٹی20 کا ریکارڈ بھی بہترین ہے۔ وہ 177 میچ میں 30 کی اوسط سے 4157 رن بنائے ہیں۔ 3 سنچری اور 24 نصف سنچری لگائی ہے۔ 114 رنوں کی سب سے بہترین اننگ کھیلی ہے۔ (jbairstow21)