پاکستانی گیند بازوں نے ایک دن میں لٹادئے 500 رنز، 112 سال کا ریکارڈ ٹوٹا، چار سنچریاں بھی بنیں

بین اسٹوکس کی قیادت میں انگلینڈ کی ٹیم کا ٹیسٹ کرکٹ کا چہرہ ہی بدل گیا ہے ۔ پاکستان کے خلاف تین میچوں کی ٹیسٹ سیریز جمعرات سے شروع ہوئی ۔ راولپنڈی میں کھیلے جارہے پہلے ٹیسٹ کے پہلے دن انگلینڈ نے چار وکٹ پر 506 رنز بنالئے ہیں ۔ (AP)

پہلے دن صرف 75 اوورز کا ہی کھیل ہوا ۔ انگلش ٹیم نے چھ سے زیادہ کے رن ریٹ سے رنز بنائے ۔ اس سے ان کی جارحانہ بلے بازی کا اندازہ لگایا جاسکتا ہے ۔ اس سے پہلے ٹیسٹ کرکٹ کی تاریخ میں پہلے دن 500 رنز نہیں بنے تھے ۔ انگلینڈ کی جانب سے چار بلے بازوں نے سنچری بنائی ۔ (AP)

اس سے پہلے 1910 میں آسٹریلیا نے سڈنی میں کھیلے گئے ٹیسٹ میں ساوتھ افریقہ کے خلاف پہلے دن سب سے زیادہ 494 رنز بنائے تھے ۔ اس طرح انگلش ٹیم نے 112 سال پرانا ریکارڈ توڑ دیا ہے ۔ اس وقت آسٹریلیا کے دو بلے بازوں نے پہلے دن سنچریاں بنائی تھیں ۔

ٹیسٹ کرکٹ کی شروعات 145 سال پہلے 1877 میں ہوئی تھی ۔ اوور آل صرف پانچویں مرتبہ ایسا ہوا جب ایک دن میں 500 یا اس سے زیادہ رنز بنے ہیں ۔ ایک دن میں سب سے زیادہ رنز بنانے کا ریکارڈ بھی انگلینڈ کے ہی نام ہے ۔ اس نے 1936 میں مینچیسٹر میں کھیلے گئے میچ کے دوسرے دن ہندوستان کے خلاف 588 رنز بنائے تھے ۔ (AP)

اس کے علاوہ انگلینڈ نے 1924 میں جنوبی افریقہ کے خلاف 522 رنز، سری لنکا نے 2002 میں بنگلہ دیش کے خلاف 509 رنز، انگلینڈ نے ہی 1935 میں جنوبی افریقہ کے خلاف 508 رنز بنائے تھے ۔ اب راولپنڈی میں پاکستان کے خلاف ایسا کیا ۔ پاکستان کے خلاف پہلی مرتبہ کسی ٹیم نے ایک دن میں 500 رنز بنائے ہیں ۔

انگلینڈ کی جانب سے جیک کرال نے 122 رنز، بین ڈکیٹ نے 107 رنز، اولی پوپ نے 108 رنز اور ہیری بروک نے ناٹ آوٹ 101 رنز بنائے ۔ ٹیسٹ کی تاریخ میں پہلی مرتبہ ایسا ہوا جب میچ کے پہلے دن چار بلے بازوں نے سنچریاں بنائیں ۔ میچ میں پاکستان نے چھ گیند بازوں کو آزمایا اور سبھی نے ساڑھے پانچ سے زیادہ کی اکنامی سے رن دئے ۔ (England cricket twitter)

انگلینڈ کے بلے باز اب ایک اننگز میں سب سے زیادہ پانچ سنچری کے ورلڈ ریکارڈ کی برابری کرنا چاہیں گے ۔ آسٹریلیا نے 1955 میں ویسٹ انڈیز کے خلاف اور پاکستان نے 2001 میں بنگلہ دیش کے خلاف ایسا کیا تھا ۔ کپتان بین اسٹوکس 34 رنز بناکر کریز پر ہیں ۔ (England cricket twitter)

اب سب کی نظر اس پر ہے کہ کیا انگلینڈ کی ٹیم پہلی اننگز میں 1000 رنز تک پہنچ سکے گی یا نہیں ۔ اب تک صرف دو مرتبہ 900 سے زیادہ رنز بنے ہیں ۔ ٹیسٹ کرکٹ کا سب سے بڑا اسکور سری لنکا نے ہندوستان کے خلاف 1997 میں بنایا تھا ۔ تب اس نے 952 رنز کا اسکور کھڑا کیا تھا ۔ وہیں انگلینڈ نے 1938 میں آسٹریلیا کے خلاف 903 رنز بنائے تھے ۔ englandcricket/Twitter