33سال بعد پاکستانی کرکٹر محسن خان نے رینا رائے سے طلاق پر توڑی خاموشی، کئے حیران کردینے والے انکشاف

نئی دہلی. سابق پاکستانی کرکٹر اور بالی ووڈ اداکارہ رینا رائے کے سابق شوہر محسن خان ان دنوں سرخیوں میں ہیں۔ دراصل حال ہی میں اپنے ایک تازہ ترین انٹرویو میں انہوں نے رینا رائے سے اپنی طلاق پر کئی انکشاف کیے ہیں۔ آپ کو بتادیں کہ رینا اور محسن کی شادی سال 1983 میں ہوئی تھی اور صرف 7 سال بعد 1990 میں دونوں کے درمیان طلاق ہوگئی تھی۔

محسن خان نے 'زی اسپورٹس' کو اپنے ایک انٹرویو میں کہا کہ وہ پاکستان میں رہنا چاہتے تھے کیونکہ یہی ان کی پہچان ہے۔ رینا رائے سے طلاق پر انہوں نے کہا کہ انہیں کوئی پچھتاوا نہیں ہے۔ انہوں نے ایک انسان سے شادی کی تھی۔ انہوں نے یہ نہیں دیکھا کہ وہ کون ہے یا کہاں کی ہے، لیکن محسن نے فیصلہ کر لیا تھا کہ وہ پاکستانی ہیں اور یہی ان کی شناخت ہے، اس لیے وہ پاکستان میں ہی رہیں گے ۔

محسن نے یہ بھی بتایا کہ جب ان کی رینا سے شادی ہوئی تھی تو اس سے قبل انہوں نے ان کی ایک بھی فلم نہیں دیکھی تھی۔ انہوں نے یہ بھی بتایا کہ وہ فلمیں نہیں دیکھتے تھے لیکن جب بھی امیتابھ بچن کا کوئی سین آتا تھا تو وہ اسے روک کر دیکھتے تھے۔

محسن کا مزید کہنا ہے کہ کوئی یقین نہیں کرے گا کہ انہوں نے شادی سے پہلے رینا کی ایک بھی فلم نہیں دیکھی تھی۔ انہوں نے یہ بھی کہا کہ وہ کبھی بھی خوبصورتی سے متاثر نہیں ہوئے اور انہیں صرف اچھے لوگ ہی پسند ہیں۔ دوسری جانب اگر ہم رینا رائے کی بات کریں تو محسن کے ساتھ طلاق پر رینا نے ایک بار کہا تھا کہ وہ اپنے شوہر کے طرز زندگی کے مطابق نہیں چل پا رہی تھیں۔

محسن کا مزید کہنا ہے کہ کوئی یقین نہیں کرے گا کہ انہوں نے شادی سے پہلے رینا کی ایک بھی فلم نہیں دیکھی تھی۔

انہوں نے یہ بھی کہا کہ وہ کبھی بھی خوبصورتی سے متاثر نہیں ہوئے اور انہیں صرف اچھے لوگ ہی پسند ہیں۔ دوسری جانب اگر ہم رینا رائے کی بات کریں تو محسن کے ساتھ طلاق پر رینا نے ایک بار کہا تھا کہ وہ اپنے شوہر کے طرز زندگی کے مطابق نہیں چل پا رہی تھیں۔

رینا رائے اپنے وقت کی مشہور بالی ووڈ اداکارہ ہوا کرتی تھیں۔ جب وہ اپنے کیرئیر کے شباب پر تھیں تب انہوں نے پاکستانی کرکٹر محسن خان سے شادی کرلی تھی ۔ حالانکہ محسن پاکستان کے اسٹار بلے بازوں میں سے ایک تھے ، مگر کرکٹ سے زیادہ رینا رائے کو لے کر وہ موضوع بحث بنے رہتے تھے۔ ایک دن محسن نے بھی کرکٹ کو الوداع کہہ کر بالی ووڈ میں اپنا کیرئیر بنانا شروع کردیا تھا ۔ یہ سب باتیں 1990 سے پہلے کی ہیں۔ Instagram @reenaroy_mylove

میڈیا رپورٹس کے مطابق رینا 1983 میں محسن سے شادی کرنے کے بعد پاکستان چلی گئی تھیں۔ شادی کے بعد دونوں کی ایک بیٹی بھی ہوئی جس کا نام جنت رکھا گیا لیکن رینا اور محسن کی شادی زیادہ دنوں تک نہیں چل سکی اور 1990 میں دونوں میں طلاق ہو گئی۔ Instagram @reenaroy_mylove

طلاق سے پہلے محسن اپنا کرکٹ کیریئر چھوڑ کر بالی ووڈ میں قدم رکھ چکے تھے ۔ انہوں نے اس وقت تک صرف ایک بالی ووڈ فلم ہی کی تھی، جب ان کی رینا سے طلاق ہوئی۔ رینا طلاق کے بعد ہندوستان واپس آگئی تھیں، لیکن اس وقت وہ بیٹی کی تحویل حاصل نہیں کرسکی تھیں ۔ Instagram @reenaroy_mylove

کئی میڈیا رپورٹس میں بتایا گیا ہے کہ بیٹی کی تحویل حاصل کرنے کے لیے رینا کو کافی مشقت کرنی پڑی۔ رینا اپنی بیٹی کو ہر قیمت پر اپنے ساتھ رکھنا چاہتی تھیں۔ اپنے ایک انٹرویو میں انہوں نے بتایا تھا کہ وہ اپنی بیٹی کو حاصل کرنے کے لیے سادھو سنتوں سے بھی ملتی تھیں۔ وہ جو بھی کہتے تھے ، رینا کرتی تھیں۔Instagram @reenaroy_mylove

آخر کار رینا کو اپنی بیٹی کی تحویل مل گئی اور پھر انہوں نے اپنی بیٹی کا نام جنت سے بدل کر صنم رکھ دیا۔ ان تمام باتوں کے بعد جب رینا نے بالی ووڈ میں واپسی کرنے کی کوشش کی تو انہیں کامیابی نہیں ملی اور پھر انہوں نے اپنی بیٹی صنم کے ساتھ ممبئی میں ہی اداکاری کی کلاسیں شروع کر دیں اور خود کو بالی ووڈ سے دور کر لیا ۔ Instagram @reenaroy_mylove

بتا دیں کہ رینا رائے کا نام بھی تین مرتبہ بدل چکا ہے۔ رینا کا پہلا نام سائرہ علی تھا لیکن جب رینا کی والدہ اور ان کے والد میں الگ ہوئے تو ان کی والدہ نے ان کا نام روپا رائے رکھ دیا اور جب انہوں نے بالی ووڈ میں ڈیبیو کیا تب ان کا نام روپا سے بدل کر رینا رائے رکھ دیا گیا تھا۔ Instagram @reenaroy_mylove

اپنے دور میں اداکارہ رینا رائے لوگوں میں اس قدر مشہور تھیں کہ کہا جاتا ہے کہ فلم 'ناگن' کے بعد ایک بار شائقین انہیں خون سے لکھے خطوط بھیجتے تھے۔ اپنے کیرئیر میں انہوں نے 'جانی دشمن'، 'ناگن'، 'گمرہ' اور 'آشا' جیسی کئی سپر ہٹ فلموں میں کام کرکے انڈسٹری میں ایک زبردست شناخت بنائی تھی۔

میڈیا رپورٹس کے مطابق رینا رائے جب چھوٹی تھیں تو ان کے والدین میں طلاق ہو گئی اور وہ اپنی والدہ کے ساتھ رہتی تھیں۔ ان کا پورا بچپن باپ کی محبت کے بغیر گزرا لیکن ان کی ماں نے کبھی نہیں ان کے باپ کی کمی محسوس نہیں ہونے دی۔

رینا نے جب فلموں میں قدم رکھا تو تجربہ کار اداکار شتروگھن سنہا کے ساتھ ان کے افیئر کی خبریں اڑنے لگیں اور بعد میں انہوں نے 7 سال تک ایک دوسرے کو ڈیٹ کیا۔ کہا جاتا ہے کہ دونوں ایک دوسرے سے بھی شادی کرنا چاہتے تھے لیکن بات نہیں بن سکی کیونکہ شتروگھن سنہا نے اداکارہ پونم سنہا سے شادی کر لی۔

شتروگھن سنہا کی شادی سے رینا کو صدمہ پہنچا اور وہ بہت افسردہ تھیں لیکن اس کے بعد ان کی زندگی میں اس دور کے مشہور پاکستانی کرکٹر محسن خان نے قدم رکھا۔ ان دونوں کی محبت کی کہانی بھی سرخیوں میں رہی۔

حال ہی میں رینا رائے نے اپنے ایک تازہ انٹرویو میں کہا کہ وہ 24 گھنٹے کام کر کے تھک چکی ہیں اور ان کی والدہ نے انہیں بتایا کہ یہ کیسی زندگی ہے؟ بہت ہو گیا، کتنا کماؤ گے؟ دراصل، اس کی ماں چاہتی تھی کہ رینا جلد ہی اپنی زندگی میں سیٹل ہو جائے، کیونکہ وہ ڈرتی تھی کہ شاید وہ اکیلی ہی رہیں۔

اس کے بعد رینا نے شادی کرنے کا ارادہ کیا اور محسن خان سے شادی کرنے کے بعد پاکستان چلی گئیں۔ اس دوران انہوں نے بالی ووڈ سے بھی دوری بنا لی، حالانکہ رینا کی یہ شادی بھی زیادہ دیر تک نہ چل سکی اور 7 سال بعد محسن اور رینا میں طلاق ہو گئی۔

محسن سے طلاق لینے کے بعد رینا بھارت واپس آگئی لیکن محسن نے شادی کے بعد رینا کی بیٹی کی تحویل میں لے لیا تھا اور رینا کسی بھی قیمت پر اپنی بیٹی کی تحویل چاہتی تھی اور اسے بھارت لانا چاہتی تھی۔ ان کی بیٹی کا نام جنت تھا۔

میڈیا رپورٹس کے مطابق شتروگھن سنہا شادی کے بعد بھی رینا رائے کے اچھے دوست تھے، جب انہیں رینا رائے کے بارے میں سب کچھ معلوم ہوا تو انہوں نے رینا کی بیٹی کی کسٹڈی دلانے میں ان کی مدد کی اور پھر رینا اپنی بیٹی کو ہندوستان لے کر آنے میں کامیاب ہوگئیں۔