32 سال کی عمر میں کرکٹ تاریخ کی 10ویں سب سے بڑی اننگ کھیلی، لارا۔برینڈن کی قطار میں ہوئے شامل

نئی دہلی: کاونٹی کرکٹ ایک مقابلے میں 32 سال کے سیم نار ایسٹ نے ریکارڈ توڑ اننگ کھیلی ہے۔ کاونٹی چمپئن شپ ڈویژن ٹو میں لیسٹر شائر اور گلو مورگن کے درمیان ہو رہے مقابلے میں 32 سالہ بلے باز نارتھ ایسٹ نے 410 رنوں کی ناٹ آوٹ اننگ کھیلی۔

سیم نارتھ ایسٹ کی اننگ کی بدولت گلو مارگن کی ٹیم 5 وکٹ کے نقصان پر 795 رن بنانے میں کامیاب رہی۔ ان کے علاوہ کرس کوک نے بھی ناٹ آوٹ 191 رنوں کی اننگ کھیلی۔

سیم نارتھ ایسٹ اور کرس کوک کے درمیان چھٹے وکٹ کے لئے ریکارڈ 461 رنوں کی شراکت بھی ہوئی۔ نارتھ ایسٹ نے 450 گیندوں میں 45 چوکے اور تین چھکے کی مدد سے 410 رن بنائے۔

سیم نارتھ ایسٹ اس مقابلے سے پہلے 191 فرسٹ مقابلے کھیل چکے ہیں۔ انہوں نے 324 اننگوں میں تقریباً 39 کی اوسط سے 11556 رن بنائے تھے۔ ان کے نام 26 سنچری اور 61 نصف سنچری درج تھا، لیکن انہوں نے اپنے 15 سال کے کرکٹ کیریئر میں آج تک ڈبل سنچری بھی نہیں لگا تھا۔ ان کا سب سے بہترین اسکور اس مقابلے سے پہلے 191 رن ناٹ آوٹ تھا۔

سیم نارتھ ایسٹ 32 سال کے ہوچکے ہیں اور وہ مڈل آرڈر میں کھیلتے ہیں۔ مسلسل کارکردگی کے باوجود انہیں کبھی انگلینڈ کی طرف سے کھیلنے کا موقع نہیں ملا۔ حالانکہ صرف ایک اننگ کی بدولت وہ اپنا نام ڈان بریڈ مین اور برائن لارا جیسے عظیم کھلاڑیوں کی قطار میں شامل ہوگئے۔

فرسٹ کلاس کرکٹ میں صرف 11ویں بار ہوا ہے، جب کسی کھلاڑی نے 400 سے زیادہ کا اسکور کیا ہے۔ پہلی بار یہ کارنامہ 1895 میں ایسی میکلارین نے کیا تھا۔ آخری بار ویسٹ انڈیز کے عظیم بلے باز برائن لارا نے سال 2004 میں انگلینڈ کے خلاف 400 کا اسکور بنانے میں کامیاب رہے تھے۔ اب تک نو کھلاڑی اس فہرست میں اپنا نام درج کرا چکے ہیں۔

ویسٹ انڈیز کے عظیم کھلاڑی برائن لارا واحد کھلاڑی ہیں جو فرسٹ کلاس کرکٹ میں 500 پلس اسکور کرنے میں کامیاب رہے ہیں۔ اس کے علاوہ برائن لارا ہی واحد کھلاڑی جنہوں نے ٹسٹ کرکٹ میں بھی 400 رنوں کا اعدادوشمار حاصل کیا ہے۔ (afp)