WTC Final ہارنے کے بعد بھی جسپریت بمراہ کو اہلیہ سنجنا گنیشن نے دیا یہ خاص تحفہ!

نیوزی لینڈ کے ہاتھوں ورلڈ ٹیسٹ چیمپئن شپ کے فائنل میں آٹھ وکٹوں سے ملی شکست کے بعد فینس کے ساتھ ہندوستانی ٹیم کے کھلاڑی بھی مایوس ہوگئے تھے ۔ ایسے میں کنبہ کے اراکین بھی کھلاڑیوں کا موڈ اچھا کرنے کی کوشش کررہے ہیں ۔ ایسا ہی کچھ ہندوستانی تیز گیند باز جسپریت بمراہ کی اینکر بیوی سنجنا گنیشن نے بھی کیا ۔ انہوں نے بمراہ کیلئے رومانٹک کھانا تیار کیا ۔ انہوں نے گارلک بریڈ اور پاستہ بنایا تھا ۔ اس کو لے کر انہوں نے لکھا : پیار سے بنایا ۔ (Jasprit Bumrah/Sanjana Ganesan Instagram)

اب ٹیم انڈیا کی نظر انگلینڈ کے خلاف ہونے والی پانچ ٹیسٹ میچوں کی سیریز پر ہے ، لیکن اس سے پہلے ٹیم کو 20 دنوں کا بریک دیا گیا ہے ۔ تاکہ کھلاڑی ذہنی طور پر تروتازہ ہوکر اس بڑی سیریز میں اتریں ۔ سنجنا گنیشن نے بھی اسی موقع کر فائدہ اٹھایا اور شوہر جسپریت بمراہ کیلئے کھانا بنایا ۔ (Sanjana Ganesan Instagram)

جسپریت بمراہ نے ورلڈ ٹیسٹ چیمپئن شپ کے فائنل میچ کی پہلی اننگز میں 26 اوورس میں 9 میڈن اوورس پھینکنے کے ساتھ 57 رن دئے تھے ، لیکن انہیں ایک بھی وکٹ نہیں ملا تھا ۔ دوسری اننگز میں بھی بمراہ بے اثر نظر آئے ۔ انہوں نے 10 سے زیادہ اوورس پھینکے ، لیکن ایک بھی بلے باز کو آوٹ نہیں کرپائے ۔ (AP)

نیوزی لینڈ کے خلاف اگر فائنل کو چھوڑ دیں تو جسپریت بمراہ کی کارکردگی ڈبلیو ٹی سی میں اچھی رہی ۔ انہوں نے 10 میچ میں کل 34 وکٹ لئے ۔ انہوں نے دو مرتبہ پانچ وکٹ لئے ۔ (Jasprit Bumrah Instagram)

جسپریت بمراہ اور سنجنا گنیشن نے اس سال مارچ میں گوا میں قریبی رشتہ داروں اور دوستوں کی موجودگی میں شادی کی تھی ۔ کورونا وائرس کی وجہ سے اس شادی میں ٹیم انڈیا کا کوئی بھی کھلاڑی شامل نہیں ہوا تھا ۔ (Sanjana Ganesan Instagram)

ورلڈ ٹیسٹ چیمپئن شپ کے فائنل سے پہلے دونوں کا ایک ویڈیو سامنے آیا تھا ، جس میں جسپریت بمراہ بیوی سنجنا گنیش کو انٹرویو دیتے نظر آئے تھے ۔ اس دوران بمراہ اور سنجنا کے درمیان کافی مزیدار باتیں بھی ہوئیں ۔ (Sanjana Ganesan Instagram)