خون سےلت پت ہونےکے باوجود اپنی ٹیم کوجیت دلانےکےلئے لڑتا رہا یہ کھلاڑی، اب لگے 6 ٹانکے
جس طرح سے شین واٹسن نے زخمی ہونے کے باوجود اپنی ٹیم کوجیت دلانے کی ہمت دکھائی، وہ نہ صرف قابل تعریف ہے بلکہ ایک سلام توبنتا ہے۔
آئی پی ایل 2019 کے فائنل مقابلے میں ممبئی انڈینس اورچنئی سپرکنگس کا آمنا سامنا ہوا تھا اور روہت شرما کی ٹیم نے ایک رن سے بازی مارکرریکارڈ چوتھا خطاب جیتا ہے۔ اس جیت کے بعد ایک طرف ممبئی کی جیت کی چرچا ہورہی ہے تو دوسری طرف چنئی کے بلے بازشین واٹسن کی دلیری کو ہرکوئی سلام کررہا ہے۔ سچ کہا جائے تو ان کی فائنل میں اپنی ٹیم کو جیت دلانے کی للک نے ورلڈ کرکٹ کو حیران کردیا ہے۔ (تصویر: آئی پی ایل)۔
چنئی سپرکنگس کے فائنل میچ ہارنے کے بعد ٹیم کے سینئر کھلاڑی ہربھجن سنگھ نے شین واٹسن کو لے کربڑا انکشاف کیا ہے۔ انہوں نے اپنے بیان میں کہا 'واٹسن کے گھٹنے میں چوٹ لگی ہوئی تھی۔ واٹسن کے گھٹنے سے خون بھی بہہ رہا تھا، لیکن انہوں نے یہ بات ٹیم کے کسی ساتھی کھلاڑی کو نہیں بتائی اوروہ بلے بازی کرتے رہے۔ ٹیم کو اس کے بارے میں تب پتہ چلا جب وہ آوٹ ہوکر واپس آگئے۔ (تصویر: آئی پی ایل)۔
یہ تصویرچنئی کی بلے بازی شروع ہونے سے قبل کی ہے، جس میں فاف ڈوپلیسی اورشین واٹسن میدان پر جارہے ہیں۔ اس دوران ان کا گھٹنہ بالکل ٹھیک نظرآرہا ہے، کچھ بھی ہو، لیکن جس طرح سے انہوں نے خون سے لت پت ہونے کے باوجود اپنی ٹیم کو جیت دلانے کی ہمت دکھائی، وہ نہ صرف تعریف کے قابل ہے بلکہ ایک سلام توبنتا ہی ہے۔