SL vs PAK: یاسر شاہ بڑی تاریخ کے قریب، عبدالقادر کو پیچھے چھوڑا، دانش کنیریا کا ریکارڈ خطرے میں

سری لنکا اور پاکستان کے درمیان (SL vs PAK) دو میچوں کی ٹسٹ 16 جولائی سے شروع ہوئی۔ حالانکہ میزبان ٹیم اچھی شروعات نہیں کرسکی۔ گالے میں کھیلے جا رہے میچ کے پہلے دن سری لنکا کی ٹیم پہلی اننگ میں صرف 222 رن ہی بناسکی۔ دنیش چانڈی مل نے سب سے زیادہ 76 رن بنائے۔ (AFP)

پاکستان کی طرف سے بائیں ہاتھ کے تیز گیند باز شاہین شاہ آفریدی نے شاندار کارکردگی پیش کی اور 4 وکٹ حاصل کئے۔ لیگ اسپنر یاسر شاہ اور حسن علی کو بھی 2-2 وکٹ ملے۔ پہلے دن کا کھیل ختم ہونے پر پاکستان نے 2 وکٹ پر 24 رن بنا لئے تھے۔ کپتان بابر اعظم ایک رن بناکر کھیل رہے تھے۔ (AFP)

یاسر شاہ نے 2 وکٹ لیتے ہوئے ایک بڑا ریکارڈ اپنےنام کرلیا ہے۔ وہ پاکستان کی طرف سے بطور اسپنر سب سے زیادہ وکٹ لینے کے معاملے میں دوسرے نمبر پر پہنچ گئے ہین۔ انہوں نے سابق عظیم گیند باز عبدالقادر کو پیچھے چھوڑا۔ عبدالقادر نے 67 ٹسٹ میں 236 وکٹ حاصل کئے تھے۔ 56 رن دے کر 9 وکٹ بہترین کارکردگی رہی تھی۔ (AFP)

یاسر شاہ کی بات کریں، تو وہ اب تک 47 ٹسٹ میں 31 کی اوسط سے 237 وکٹ حاصل کرچکے ہیں۔ 41 رن دے کر 8 وکٹ ان کی بہترین کارکردگی رہی ہے۔ 16 بار 5 اور 3 بار 10 وکٹ لینے کا کارنامہ انجام دیا۔ وہ دوسری اننگ میں اپنے وکٹ کو اور بڑھانا چاہیں گے۔ (AFP)

پاکستان کی طرف سے بطور اسپنر سب سے زیادہ وکٹ لینے کا ریکارڈ سابق لیگ اسپنر دنیش کنیریا کے نام ہے۔ انہوں نے 61 ٹسٹ میں 35 کی اوسط سے 261 وکٹ حاصل کئے ہیں۔ 77 رن دے کر 7 وکٹ سب سے اچھی کارکردگی رہی ہے۔ 15 بار 5 اور 2 بار 10 وکٹ حاصل کئے ہیں۔ (AFP)

پاکستان کی طرف سے بطور گیند باز ٹسٹ میں سب سے زیادہ وکٹ لینے کا ریکارڈ سابق عظیم گیند باز وسیم اکرم کے نام ہیں۔ انہوں نے 104 ٹسٹ میں 414 وکٹ حاصل کئے ہیں۔ وقار یونس 373 وکٹ کے ساتھ دوسرے اور عمران خان 362 وکٹ کے ساتھ تیسرے نمبر پر ہیں۔ دانش کنیریا اوور آل چوتھے نمبر پر قابض ہیں۔ (AFP)