سوربھ گانگولی 50 کی عمر میں کریں گے کرکٹ میدان پر واپسی، کر رہے سخت ٹریننگ

ٹیم انڈیا کے سابق کپتان اور بی سی سی آئی کے موجودہ صدر سوربھ گانگولی 50 سال کی عمر میں کرکٹ میدان پر واپسی کرنے کا منصوبہ بنا رہے ہیں۔ انہوں نے اس کے لئے سخت ٹریننگ شروع کردی ہے۔ گانگولی نے سوشل میڈیا پر اپنی ٹریننگ کی کئی تصاویر بھی شیئر کی ہیں۔ (Instagram)

سوربھ گانگولی نے تصدیق کی کہ وہ لیجنڈس لیگ کرکٹ (LLC) کے دوسرے سیزن کے دوران ایک خاص چیریٹی میچ کھیلیں گے۔ اس طرح گانگولی کرکٹ میدان پر واپسی کریں گے۔ اس کرکٹ لیگ میں ریٹائرمنٹ لے چکے کھلاڑی حصہ لیتے ہیں۔ (Instagram)

عظیم کرکٹر سوربھ گانگولی اس سے پہلے سال 2015 میں کرکٹ میدان پر کھیلتے ہوئے نظر آئے تھے۔ تب وہ کرکٹ آل اسٹارس سیریز کے دوران سچن بلاسٹرس ٹیم کے لئے کھیلے تھے۔ انہوں نے تب 37 گیندوں پر تین چوکے اور اتنے ہی چھکے لگاکر 50 رن بنائے تھے۔ (Instagram)

سال 1996 میں لارڈس کے میدان پر ٹسٹ ڈیبیو کرنے والے سوربھ گانگولی نے اپنے پہلے ہی ٹسٹ میچ میں 131 رن بنائے تھے۔ انہوں نے بعد میں ٹیم انڈیا کی کمان بھی سنبھالی اور ان کا شمار ہندوستان کے سب سے کامیاب کپتانوں میں ہوتا ہے۔ (Instagram)

سوربھ گانگولی نے اپنے انسٹا گرام اکاونٹ پر میدان پر واپسی کی تصدیق کی۔ انہوں نے لکھا، ’آزادی کا امرت مہوتسو اور خواتین کو با اختیار بنانے کے لئے فنڈ جمع کرنے کے لئے چیریٹی میچ کا حصہ بنوں گا۔ اس کے لئے ٹریننگ کا لطف اٹھا رہا ہوں۔ لیجنڈس لیگ کرکٹ میں عظیم کھلاڑیوں کے ساتھ کھیلنے کا انتظار ہے، جب کچھ کرکٹ  گیندوں کو ہٹ کریں گے‘۔ اس لیگ میں کئی ہربھجن سنگھ، عرفن پٹھان اور یوسف پٹھان جیسے کئی عظیم کھلاڑی کھیلیں گے۔ (Instagram)

گانگولی نے اپنی قائدانہ صلاحیت سے کرکٹ میں ہندوستان کو اونچائیوں تک پہنچانے کے لئے سخت محنت کی۔ انہوں نے ہندوستانی کرکٹ میں ایک نئے دور کی شروعات کی، بیرون ممالک میں میچ اور سیریز جیتی۔ انہوں نے 2003 عالمی کپ میں رنراپ ہونے کے علاوہ 2002 نیٹ ویسٹ ٹرافی اور چمپئنز ٹرافی جیت کے لئے ہندوستان کی قیادت کی۔ (Instagram)

سوربھ گانگولی نے نومبر 2008 میں اپنا آخری بین الاقوامی میچ کھیلا۔ انہوں نے 1992 میں بین الاقوامی ڈیبیو کیا تھا۔ گانگولی نے 113 ٹسٹ میچوں اور 311 یک روزہ میچوں میں ہندوستان کی نمائندگی کی۔ ٹسٹ میں انہوں نے 16 سنچری اور 35 نصف سنچری کی بدولت کل 7212 رن بنائے۔ ونڈے میں انہوں نے  11363 رن بنائے، جس میں 22 سنچری اور 72 نصف سنچریاں شامل ہیں۔ (Instagram)