سچن تیندولکر نے ونڈے کرکٹ میں نہیں لگائی تھی پہلی دوہری سنچری، اس کھلاڑی کے نام ہے ریکارڈ

آپ جانتے ہیں کہ ونڈے کرکٹ میں سب سے پہلی دوہری سنچری لگانےکا ریکارڈ کس کھلاڑی کے نام ہے؟ شاید آپ سچن تیندولکر کا نام لیں گے۔ جنہوں نے 2010 میں دوہری سینچری لگائی تھی۔ آپ کو بتادیں کہ سچن تیندولکر ونڈے کرکٹ میں دوہری سینچری لگانے والے پہلے کھلاڑی نہیں ہیں۔ یہ ریکارڈ تو آج سے 22 سال پہلے بیلندا کلارک نے کیا تھا۔

جی ہاں آج سے ٹھیک 22 سال پہلے یعنی 16 دسمبر 1997 کو آسٹریلیا کی بیلندا کلارک نے ونڈے کرکٹ کی تاریخ کی پہلی دوہری سینچری لگائی تھی۔ محدود اوور کرکٹ میں 200 کے پار جانے والی وہ خاتون اور مر دونوں میں پہلی کھلاڑی بنیں۔

بیلندا کلارک نے ہندوستان میں ہوئے خاتون ورلڈ کپ کے گروپ اسٹیج میں ڈنمارک کے خلاف ناٹ آؤٹ 229 کی اننگ کھیلی تھی۔ آسٹریلیا نے وہ میچ 363 رن کے بڑے فرق سے جیتا تھا۔

بیلندا کلارک خاتون ونڈے میں سب سے زیادہ رن بنانےوالی آسٹریلین کرکٹر ہیں۔ انہوں نے 118 ونڈے میچوں میں 4844 رن بنائے۔

ونڈے اور ٹیسٹ کرکٹ دونوں میں ان کا بلے بازی اوسط45 سے اوپر کا رہا۔ ان کی قیادت میں آسٹریلائی ٹیم نے دو مرتبہ کرکٹ ورلڈ کپ جیتا ہے۔