سن رائزرس حیدرآباد کے کپتان kane williamson دوسری بار بنے والد، بیوی سارہ رحیم نے دیا بیٹے کو جنم

نئی دہلی. سن رائزرز حیدرآباد کے کپتان کین ولیمسن (kane williamson) دوسری بار باپ بن گئے ہیں۔ ان کی بیوی نے بیٹے کو جنم دیا ہے۔ ولیمسن نے انسٹاگرام پر اہلیہ سارہ رحیم Sarah Raheem اور بیٹے کی تصویر شیئر کرکے مداحوں کو یہ خوشخبری سنائی۔

اس خوشخبری کو شیئر کرنے کے بعد ولیمسن کو دنیا بھر سے مبارکبادیں موصول ہونے لگیں۔ سابق ہندوستانی کرکٹر سریش رائنا، افغانستان کے اسٹار باؤلر راشد خان، کیریبین کھلاڑی جیسن ہولڈر، آسٹریلوی اسٹار ڈیوڈ وارنر، سابق کیوی کپتان برینڈن میک کولم سمیت کئی تجربہ کاروں نے ولیمسن کو مبارکباد پیش کیں۔

ولیمسن نے اپنی ٹیم حیدرآباد چھوڑ دی تھی اور آئی پی ایل 2022 کے آخری لیگ میچ سے پہلے ہی وطن واپس لوٹ گئے تھے۔ وہ اپنے خاندان کے ساتھ وقت گزارنا چاہتے تھے۔ ولیمسن کی قیادت والی ٹیم لیگ میں زیادہ کچھ نہ کر سکی۔ آخری لیگ میچ میں بھی اسے پنجاب کنگز سے 5 وکٹوں سے شکست ہوئی تھی۔ اس شکست کے بعد حیدرآباد نے آئی پی ایل 2022 کو الوداع کہا، پوائنٹس ٹیبل میں 8 ویں نمبر پر ہے۔ اس کے ساتھ ہی پنجاب کنگز نے چھٹے نمبر پر رہتے ہوئے لیگ سے فاتحانہ وداعی لی۔

دنیا کے عظیم بلے باز کین ولیمسن دنیا کے سب سے کول کپتانوں میں سے ایک ہیں۔ مشکل سے مشکل وقت میں بھی کول رہنے کا ہنر ہی انہیں باقی کرکٹروں سے الگ کرتا ہے۔ کین ولیمسن کافی شرمیلے فطرت کے بھی ہیں اور یہی وجہ ہے کہ ان کی لواسٹوری (پیار کی کہانی) ہر کسی سے پوشیدہ رہی۔

کین ولیمسن کی گرل فرینڈ سارہ رحیم انگلینڈ میں نرس ہیں۔ انہوں نے برسٹل یونیورسٹی سے تعلیم حاصل کی۔ اس وقت وہ بطور نرس کام کر رہی ہیں۔ یہی نہیں ضرورت کے وقت سارہ رحیم لوگوں کی مدد کرنے کے لئے ہمیشہ کھڑی رہتی ہیں۔

کین ولیمسن سے سارہ کی ملاقات بھی پہلی بار اسپتال میں ہوئی تھی، جہاں کین ولیمسن علاج کے لئے گئے تھے۔ اس کے بعد دونوں نے ایک دوسرے کو ڈیٹ کرنا شروع کردیا۔ کافی وقت تک دونوں نے اس بات کو پوشدہ کر رکھا تھا۔

سارہ ہمیشہ ہی لائم لائٹ سے دور ہی رہتی ہیں۔ کین ولیمسن کو ڈیٹ کرنے کے بعد وہ سرخیوں میں آئی تھیں، مگر سارہ اس بات کو بخوبی جانتی ہیں کہ اپنی پرائیویسی کو کیسے بنائے رکھنا ہے۔

یہاں تک کہ سارہ کا سوشل میڈیا اکاونٹ بھی پرائیویٹ ہے اور صرف تقریباً 200 فالورس ہی ہیں۔