ٹرپل سنچری لگانے والے ہندستانی کھلاڑی نے گرل فرینڈ سے کی شادی: تصویریں دیکھیں

ہندوستانی نوجوان کرکٹر کرون نائر نے اپنی زندگی کی نئی اننگز کا آغاز کیا ہے۔ نائر نے جمعرات کو اپنی منگیتر اور طویل وقت سے گرل فرینڈ رہی شنایا ٹنکری والا سے شادی کرلی۔

کرناٹک رنجی ٹیم نے ان کی شادی کی تصاویر اپنے سوشل میڈیا اکاؤنٹ سے شیئر کرکے مبارکباد دی ہے۔ اس تصویر میں دونوں ہی جنوبی ہندوستان کے شادی کے لباس میں نظر آرہے ہیں۔ یہ شادی جنوبی ہندوستان کے رسم و رواج کے مطابق ہوئی ہے۔

آپ کو بتادیں کہ کرون نائر اور شنایا ایک دوسرے کو کافی وقت سے ڈیٹ کر رہے ہیں۔ گزشتہ سال جون میں کرون نائر نے شانیا کو بیچ ر پر انتہائی رومانٹک انداز میں شادی کے لئے پرپوزکیا تھا۔

کرون نائر کی بیوی شنایا اسپورٹس اور انٹرٹینمنٹ انڈسٹری سے جڑی ہوئی ہیں۔

نائر آئی پی ایل میں راجستھان رائلس، دہلی کیپیٹلس، رائلس چیلینجرس بنگلور اور کنگس الیون پنجاب کیلئے کھیل چکے ہیں اور شنایا ان کی میچ دیکھنے آتی تھیں۔