دھونی سے کم دلچسپ نہیں اس کھلاڑی کی کہانی، فٹ بال سےشروع کیاکیریئراور پھر۔۔۔۔

ہندوستانی ایتھلیٹکس میں موجودہ وقت میں آسام کی ہما داس ایک بڑا نام بن چکی ہیں۔ دھنگ ایکسپریس کے نام سے جانے جانے والی ہما جمعرات کو 20 سال کی ہوگئی ہیں۔

ہما داس سرخیوں میں آئیں جب انہوں نے 2018 آئی اے ایف انڈر 20 چیمپئن شپ میں ہما داس نے 400 میٹر میں 51.46 سیکنڈ نکال کر گول حاصل کیا۔ اس جیت کے ساتھ ہی وہ کسی بھی طبقے میں ایتھلیٹکس ورلڈ چیمپئن شپ میں گولڈ جیتنے والی پہلی ہندستانی بنی تھیں۔

آسام کی رہنے والی ہما داس مشترکہ کسان خاندان سے تعلق رکھتی ہیں جس کے 16 ممبر ہیں۔

جب ہما نے ایتھلیٹکس کی شروعات کی تو کوچ چاہتے تھے وہ گوہاٹی میں رہیں۔ ٹریننگ کیلئے ہما کو نائے گاؤں سے گوہاٹی لانا بھی آسان نہیں تھا۔ ہما کے کوچ نپن نے ان کے کنبے کو منایا انہیں گوہاٹی لے آئے، شروعات میں کوچ نپن صرف یہ چاہتے تھے کہ ہما ہندستانی رلے ٹیم کا حصہ ہوں لیکن ہما نے اپنے مظاہرے سے انہیں بھی حیران کردیا۔

گھر کے مالی حالات ٹھیک نہیں تھے۔ ہما کو فٹ بال کھیلنے کا شوق تھا وہ اپنے گاؤں یا ضلع کے آس۔پاس چھوٹے موٹے فٹ بال میچ کھیل کر 100-200 روپئے جیت لیتی تھیں۔ یہیں سے ان کا سفر شروع ہوا۔