نشے کی لت، گرل فرینڈ ہوئی حاملہ، ٹوٹی شادی، اسٹار کرکٹر کا کریئر ہوا برباد

ہندوستانی کرکٹ ٹیم کے سابق بلے باز ونود کامبلی اکثر تنازعات میں رہتے ہیں۔ اب ان کا نام ایک بار پھر سرخیوں میں ہے۔ اس بار ونود کامبلی پر الزام ہے کہ انہوں نے شراب کے نشے میں اپنی اہلیہ اینڈریا ہیوٹ (Andrea Hewitt) کے ساتھ مار پیٹ کی ہے۔ ونود کامبلی انسٹاگرام

چند ماہ قبل ونود کامبلی نے ایک انٹرویو میں اپنی حالت زار کے بارے میں بتایا تھا اور کام دئے جانے کی گہار لگائی تھی۔ انہوں نے کہا کہ ان کے پاس اتنا پیسہ نہیں ہے کہ وہ اپنا گھر چلا سکے اور اگر انہیں کوچنگ کی نوکری مل جاتی ہے تو وہ اسے قبول کرنے کو تیار ہیں۔- ونود کامبلی انسٹاگرام۔

کچھ دن پہلے دیے گئے اپنے انٹرویو میں ونود کامبلی نے قبول کیا تھا کہ انہوں نے نشے کی لت کی وجہ سے اپنی زندگی برباد کی۔ انہوں نے کہا کہ اب وہ سب کچھ چھوڑ کر واپس آنے کو تیار ہیں۔ کسی بھی شرط پر انہیں کام کرنا ہے۔ ونود کامبلی انسٹاگرام

ونود کامبلی کے کریئر کا گراف جتنی تیزی سے اوپر چڑھا ٹھیک اسی طرح سے نیچے آیا۔ ڈومیسٹک کرکٹ میں، سچن تیندولکر کے ساتھ مل کر، انہوں نے 1998 میں ہیرس شیلڈ اسکول ٹورنامنٹ میں 664 رنز کی شراکت داری کرکے عالمی ریکارڈ بنایا تھا۔ ونود کامبلی انسٹاگرام

ونود نے جب بین الاقوامی کرکٹ میں قدم رکھا تو دھوم مچادی تھی۔ اس بائیں ہاتھ کے بلے باز نے تیز ترین 1000 ٹیسٹ رنز بنانے کا ریکارڈ اپنے نام کیا تھا۔ ونود کامبلی نے 14 اننگز کھیلنے کے بعد 18 نومبر 1994 کو 1000 رنز بنائے تھے۔ کامبلی کا یہ ریکارڈ 26 سال سے ٹوٹا نہیں رہا۔ ونود کامبلی انسٹاگرام

ونود کامبلی کی پہلی شادی گرل فرینڈ نوئیلا لوئس سے ہوئی تھی۔ اس کے بعد ماڈل اینڈریا ہیوٹ ان کی دنیا میں آئیں اور دونوں اس قدر نزدیک ہو گئے کہ بغیر شادی کے ہی والدین بن گئے۔ بیٹے جیسس کرسٹیانو کیمبلی کی پیدائش کے تقریباً 4 سال بعد دونوں کی شادی ہوئی۔ ونود کامبلی انسٹاگرام