ٹی-20 عالمی کپ 2021: سب سے زیادہ وکٹ کس کھلاڑی نے لئے؟ دیکھیں خطرناک گیند بازوں کی فہرست

ٹی-20 عالمی کپ (T20 World Cup-2021) میں گیند بازوں نے بھی خوب دھمال مچایا۔ آسٹریلیا نے فائنل میں نیوزی لینڈ کو 8 وکٹ سے شکست دے کر ٹی-20 فارمیٹ میں پہلی بار عالمی چمپئن بنا۔ ایرون فنچ کی کپتانی والی ٹیم نے فائنل میں 173 رنوں کے ہدف کو صرف دو وکٹ گنواکر حاصل کرلیا۔ نظر ڈالتے ہیں- اس ٹی-20 ٹورنامنٹ میں سب سے زیادہ وکٹ لینے والے ٹاپ-5 گیند بازوں پر۔

آسٹریلیا کے تیز گیند باز جوش ہیزل ووڈ نے 7 میچوں میں کل 11 وکٹ حاصل کئے اور ٹی-20 عالمی کپ 2021 میں سب سے زیادہ وکٹ لینے والے گیند بازوں کی فہرست میں پانچویں نمبر پر رہے۔ انہوں نے ایک بار 4 وکٹ بھی حاصل کئے۔ ہیزل ووڈ نے 144 گیندیں پھینکی اور 175 رن دیئے۔ (تصویر کریڈٹ: اے ایف پی)

بنگلہ دیش کے شکیب الحسن ٹی-20 عالمی کپ-2021 میں سب سے زیادہ وکٹ لینے والے گیند بازوں کی فہرست میں چوتھے نمبر پر ہیں۔ انہوں نے 6 میچوں میں کل 11 وکٹ اپنے نام کئے۔ انہوں نے اس دوران 123 رن دیئے۔  (تصویر کریڈٹ: اے ایف پی)

نیوزی لینڈ کے تیز گیند باز ٹرینٹ بولٹ نے اس ٹی-20 ٹورنامنٹ میں کل 13 وکٹ حاصل کئے اور وہ فہرست میں تیسرے نمبر پر ہیں۔ ایڈم زمپا نے بھی 13 ہی وکٹ حاصل کئے، لیکن بولٹ نے ان سے 4 گیند زیادہ یعنی کل 27.4 اوور پھینکے۔  (تصویر کریڈٹ: اے ایف پی)

آسٹریلیا کے ایڈم زمپا اس فہرست میں دوسرے نمبر پر ہیں۔ انہوں نے 7 میچوں میں کل 27 اوور کی گیند بازی کرتے ہوئے 13 وکٹ حاصل کئے۔ انہوں نے اس دوران صرف 157 رن ہی دیئے۔  (تصویر کریڈٹ: اے ایف پی)

ٹی-20 عالمی کپ میں سب سے زیادہ وکٹ لینے والے گیند بازوں میں ٹاپ پر سری لنکا کے وانندو ہسرنگا (Wanindu Hasaranga) کا نام آتا ہے۔ انہوں نے اس ٹورنامنٹ کے موجودہ سیزن میں 8 میچوں میں کل 16 وکٹ حاصل کئے۔ انہوں نے اس دوران 30 اوور یعنی 180 گیندیں پھینکی اور 9.75 کی اوسط سے 16 وکٹ اپنے نام کئے۔  (تصویر کریڈٹ: اے ایف پی)