بیٹے پر تھا کورونا وائرس سے متاثر ہونے کا خطرہ ، ترکی کے اس بڑے کھلاڑی نے گلا گھونٹ کر کردیا قتل

کورونا وائرس قہر کے درمیان ترکی سے دل دہلادینے والی خبر سامنے آئی ہے ۔ ترکی کے افسران نے ایک سابق سینئر فٹ بالر کو گرفتار کیا گیا ہے ، جس نے کورونا وائرس کا علاج کرا رہے اپنے پانچ سال کے بیٹے کو قتل کرنے کی بات کا اعتراف کرلیا ہے ۔

کیوہر نام کے فٹ بالر نے کہا کہ انہوں نے اپنے بچے کو 23 اپریل کو ہی مار دیا ، جو دن ترکی میں بچوں کیلئے منایا جاتا ہے ۔ بیٹے کا گلا گھونٹنے کے بعد انہوں نے مدد کیلئے لوگوں کو بلایا اور بچہ کو اسپتال میں داخل کرایا ، جہاں اس کی دو گھنٹے کے اندر ہی موت ہوگئی ۔

کیوہر ٹوکٹاس نے اس واقعہ کے گیارہ دن بعد خود کو پولیس کے حوالے کردیا تھا ۔ اس نے اعتراف کیا کہ اس نے چار مئی کو اپنے بیٹے کا گلا گھونٹ کر قتل کردیا تھا ۔ وہ پولیس کے پاس گیا ، کیونکہ یہ گھنونی حرکت کرنے کے بعد اس کو گھٹن محسوس ہورہی تھی ۔

فٹ بالر نے کہا کہ اس نے بچہ کو اس لئے ماردیا کیونکہ وہ اس سے پیار نہیں کرتا تھا ۔ بیٹے کو کھانسی بخار کی شکایت پر 23 اپریل کو اسپتال میں بھرتی کرایا گیا تھا ۔ وہ اپنے والد کے ساتھ آبائی رہائش گاہ میں تھا ۔

کیوہر فی الحال ایمچیور لیگ کی ٹیم بورسا ییلدیریمسپور کی جانب سے کھیلتے ہیں ۔ اس سے پہلے سال 2008-2009 کے درمیان وہ ہاسیٹیپپو کی جانب سے کھیلے تھے جو ترکی کی سب سے بڑی لیگ کا بڑا کلب ہے ۔