ایم ایس دھونی کے سنیاس لینے کے بعد اب وراٹ کوہلی  نے شیئر کی انتہائی جذباتی پوسٹ، کہی یہ بات

نئی دہلی: ہندستانی کپتان وراٹ کوہلی ان دنوں کافی جذباتی ہیں۔ اپنے سب سے بہترین کپتانوں میں سے ایک مہیندر سنگھ دھونی کے انٹرنیشنل کرکٹ کو الوداع کہنے پر انہوں نے سوشل میڈیا پر کافی جذباتی پوسٹ شیئر کی ہے۔

اس کے اگلے دن بعد کوہلی نے سوشل میڈیا پر ایک مرتبہ پھر جذؓاتی پوسٹ لکھ کر کہا کہ وقت پنکھ لگاکر اڑ جاتا ہے۔ ہمیشہ کیلئے شکرگزار رہوں گا۔ 

اس پوسٹ کے ساتھ ہی انہوں نے انٹرنینشنل کرکٹ میں اپنے سفر کی یادگار لمحوں کا ایک کولاج بھی شیئر کیا۔

کوہلی نے 18 اگست 2008  کو سری لنکا کے خلاف ونڈے میچ سے انٹرنیشنل کرکٹ میں قدم رکھا تھا حالانکہ اپنے پہلے انٹرننیشنل میچ میں کوہلی نے گوتم گمبھیر کے ساتھ اووپننگ کی تھی اور صرف 12 رن ہی بنا پائے تھے۔ اس میچ میں کپتان ایم ایس دھونی بھی صرف چھ رن ہی بنا پائے تھے۔ 

اپنے  12  سال کے لمبے اور کامیاب انٹرنیشنل کریئر کے دوران ابھی تک وراٹ کوہلی نے  86 ٹیسٹ، 248 ونڈے اور 82  ٹی 20  میچ کھیلے ہیں۔