بیوی کے حاملہ ہوتے ہی مرد کر لیتا ہے دوسری شادی، جانئے کیا ہے عیجب و غریب روایت؟

تمام تر تغیرات کے باوجود، ہندوستان میں شادی کے بندھن کو اٹوٹ اور مقدس سمجھا جاتا ہے لیکن کیا آپ جانتے ہیں کہ راجستھان میں پہلی بیوی کے زندہ ہوتے ہوئے بھی شوہر کو دوبارہ شادی کرنے کی اجازت ہے۔ جی ہاں! آپ نے صحیح سنا۔ بیوی کو بھی شوہر کی دوسری شادی پر کوئی اعتراض نہیں ہوتا ہے۔ تمام فریقین کی رضامندی سے شخص دوسری شادی کرتا ہے۔ (نیوز 18 ہندی گرافکس)

راجستھان کے باڑمیر ضلع میں ایک ایسا گاؤں ہے جہاں بیوی کے حاملہ ہوتے ہی شوہر کو دوبارہ شادی کا لائسنس مل جاتا ہے۔ اس گاؤں کا نام دیراسر ہے۔ یہ گاؤں باڑمیر کے صحرائی علاقے میں ہندوستان پاکستان بین الاقوامی سرحد کے قریب واقع ہے۔ (علامتی تصویر)

دیراسر گاؤں میں یہ عجیب و غریب رواج صدیوں سے چلا آ رہا ہے۔ اس گاؤں میں جب کسی شادی شدہ کی بیوی حاملہ ہو جاتی ہے تو وہ شخص فوراً دوسری شادی کر لیتا ہے۔

حیران کن بات یہ ہے کہ بیوی یا اس کے گھر والوں کو شوہر کی دوسری شادی پر کوئی اعتراض نہیں ہوتا ہے۔ یہ طرز عمل آج بھی لوگوں کے لیے حیرت کا باعث ہے۔

اب آپ سوچ رہے ہوں گے کہ کیا وجہ ہے کہ بیوی کے حاملہ ہوتے ہی شوہر دوسری شادی کر لیتا ہے۔ دراصل ضلع باڑمیر کا زیادہ تر علاقہ صحرائی علاقہ ہے۔ یہاں کے دور دراز دیہاتوں میں پانی کی شدید قلت رہتی ہے۔ گرمیوں میں یہاں کے حالات بہت خراب ہو جاتے ہیں۔ (علامتی تصویر)

دیراسر گاؤں میں عموماً خواتین پانی لانے کا کام کرتی ہیں۔ اس کے لیے انہیں اپنے گھر سے بہت دور جانا پڑتا ہے۔ ایسے میں جب خواتین حاملہ ہو جاتی ہیں تو ان کے لیے پانی لانا ممکن نہیں ہوتا ہے، اس لیے اس مسئلے سے نمٹنے کے لیے مرد فوراً دوسری شادی کر لیتے ہیں۔ (علامتی تصویر)

شادی شدہ مرد اپنی بیوی کے حاملہ ہوتے ہی دوسری شادی کر لیتا ہے تاکہ حاملہ بیوی کو آرام کرنے کا موقع مل سکے۔

دوسری بیوی گھر کے روزمرہ کے کاموں کے لیے پانی لانے کا کام کرتی ہے۔ راجستھان میں اس طرح کی بہت سے رسم و رواج ہیں جو اپنے آپ میں کافی عجیب ہیں۔ ریاست کے جغرافیائی حالات کی وجہ سے بہت سے طرز عمل میں ہیں۔ (فائل فوٹو/ نیوز 18 ہندی)