شوہر کو بیوی کے کردار ہوا شک تو لگائے 2خفیہ کیمرے، ہائر کیا پرائیویٹ جاسوس، ہر حرکت پر رکھتا تھا نظر، پھر ایک دن۔۔۔

بنگلور۔ شوہر کی حرکتوں سے پریشان خاتون نے ایسا کام کر دیا کہ جان کر آپ بھی حیران رہ جائیں گے۔ دراصل شوہر کو اپنی بیوی کے کردار پر شک تھا۔

بتایا جاتا ہے کہ اس شخص نے مبینہ طور پر اپنی بیوی پر نظر رکھنے کے لیے 22 خفیہ کیمرے اور ایک نجی جاسوس کی خدمات حاصل کیں۔

بس اتنا ہی نہیں بیوی پر نظر رکھنے کے لیے شوہر نے جاسوسی سافٹ ویئر کا استعمال کرکے بیوی کا پیچھا تک کرایا۔ جب خاتون کو اس بات کا علم ہوا تو اس کا غصہ ساتویں آسمان پر پہنچ گیا۔ اس کے بعد بیوی نے مبینہ طور پر اپنے شوہر کو شدید مارا پیٹا۔ بتایا جا رہا ہے کہ خاتون نے کرکٹ کے بلے سے اپنے شوہر کا سر تک پھوڑ دیا۔

دراصل جوڑے کی شادی 2010 میں ہوئی تھی۔ شادی کے دو سال بعد ان کے یہاں بیٹے کی پیدائش ہوئی۔ میڈیا رپورٹس کے مطابق بیٹے کی پیدائش کے چند سال بعد ہی شوہر کو بیوی پر شک ہونے لگا۔ وہ اپنی بیوی کا پیچھا کرنے لگا۔

بتایا جاتا ہے کہ شوہر نے مبینہ طور پر گھر میں کئی جگہ خفیہ کیمرے لگا رکھے تھے۔ پھر وہ اسے اپنے فون سے جوڑتا اور ہر حرکت پر نظر رکھتا۔

بیوی پر جاسوسی کا الزام
خاتون نے اپنے شوہر پر الزام لگایا ہے کہ اس نے ایک پرائیویٹ جاسوس کی خدمات حاصل کی تھیں اور وہ اس کی پیروی کرتا تھا۔ خاتون کا کہنا ہے کہ شوہر نے اس کی حرکت کو پکڑنے کے لیے ایس ایل آر کیمرہ بھی خریدا تھا۔ یہی نہیں، شوہر نے کچھ مبینہ ثبوتوں کے ساتھ اس کو دھمکی بھی دی تھی۔

خاتون کا دعویٰ ہے کہ ملزم شوہر نے اس سال اسے ایک فون تحفے میں دیا تھا۔ تب اسے اس فون میں نصب جاسوسی سافٹ ویئر کے بارے میں معلوم ہوا۔

خاتون کا کہنا ہے کہ ملزم شوہر نے اسے کچھ تصاویر کے ذریعے دھمکی دی تھی۔ ان کا کہنا ہے کہ تصاویر میں ان کے ساتھ ایک شخص نظر آرہا ہے جو دراصل ان کا بھتیجا تھا۔ جب شوہر نے اس کی تصویریں دکھا کر اس پر سوالات اٹھائے تو وہ غصے میں آگئیں۔ پھر اس نے اپنے شوہر پر کرکٹ کے بلے سے حملہ کیا۔

میڈیا رپورٹس پر یقین کیا جائے تو اس کے بعد شوہر نے بیوی کے خلاف تھانے میں شکایت بھی درج کرائی ہے۔